group-telegram.com/vodiybozor/187555
Create:
Last Update:
Last Update:
#Диққат
⚡️Ўзбекистонликлар кунига 10 минг қадам юргани учун яна рағбатлантирилади
Бундай одамлар экофаол одамлар рўйхатига киритилиб уларга хар йили 14 та электромобил берилади:
Юришда юқори натижа кўрсатган фуқароларга давлат хизматларидан фойдаланишда, шунингдек, банклардан кредит олишда чегирмалар берилади.
Ўзбекистонда кунига 10 минг қадам юрадиган фуқаролар яна рағбатлантирилади. Бу "Ўзбекистон - 2030" стратегиясини "Атроф-муҳитни муҳофаза қилиш ва "яшил" иқтисодиёт йили"да амалга оширишга оид давлат дастури тўғрисида"ги президент Фармонида назарда тутилган.
Ҳужжатга кўра, Экология вазирлиги ва Рақамли технологиялар вазирлигига "Бир миллион яшил оила" умуммиллий ҳаракати доирасида бир кун ичида камида ўн минг қадам босиб ўтишни тарғиб қилишни назарда тутувчи платформани ишга тушириш топширилди. Платформа 2025 йил 1 июнгача ишга туширилиши керак.
Юқори кўрсаткичларга эришган шахсларга "экофаол фуқаро" мақоми берилади. Уларга давлат хизматларидан фойдаланишда, шунингдек, банклардан истеъмол кредити олишда (давлат улуши 50 фоиздан ортиқ бўлган) 10 фоиз миқдорида чегирмалар тақдим этилади.
Вояга етган барча аъзоларига "экофаол фуқаро" мақоми берилган оилаларга ҳар йили лотерея орқали 14 та электромобиль берилади. Бундай оилаларга ҳам "яшил оила" мақоми берилади.
Аҳолисининг ярми "яшил оила" мақомига эга бўлган маҳаллаларда "Энг тоза маҳалла" ва "Энг яшил маҳалла" танловлари ўтказилади. Болалар майдончалари қуриш, яшил боғчалар ташкил этиш, чиқинди майдончалари қуриш, чиқинди контейнерларини ўрнатиш учун ғолиб маҳаллалар жамғармасига 500 миллион сўм йўналтирилади.
Пиёда кўп юрадиган танишларга юбориб қўямиз.
Канал 👉 @VODIYBOZOR
BY Водий бозор
Share with your friend now:
group-telegram.com/vodiybozor/187555