group-telegram.com/Gazetavatan05/28871
Last Update:
«Машук-2025»
Жовонгьой Догъисту борж бердени эри бэхшгьо
Эз 16-муьн те 23-муьн август Пятигорск бири меркез мерэгълуьи эри желдлуье ве мэгIрифетлуье жовоне эз гьеммей Уруссиет: э инжо гировунде омори дуьимуьн дегиши эн Гьеммеуруссиетие жовоне форум «Машук». Дуьруьжде соводие ве проектни жигей вилеет кура сохди гIэилгьоре, чуьнки угьо дануьт бирмунде фикиргьой хуьшдере, хуте бире эз сенигIэткорсохгьо ве вегуьрде бэхшгьо эри угьоре э зиндегуни венгесдеи.
Бинелуье тигъэт дегиши доре оморебу э параменд сохдеи несигIэтдореире, муьхькем сохдеи несигIэт доренигьо сферере ве э гуьнжо овурдеи гъувотлуье жэгIмиет жовоне пушобергьоре. Бэхшвегиргьой форум кор сохдебируьт э сер офиреи тозе, хэйрлуье тегьергьоре эри кор сохдеи э жовонгьоревоз ве э гуьнжо овурдембируьт проектгьоре, комигьоки мидануьт хьэвес доре эри параменд сохдеи гIэзизе регионгьой энугьоре.
Догъистоние желдлуьгьо хуб бирмундет хуьшдере э гьемме очорлуье трекгьой дегиши, э гIэрей комигьоки «Наставлять», «Направлять», «Поддерживать» ве «Объединять». Угьо вегуьрдет бугъолуье синогъи ве тозе дананигьо, комигьоки герек мибу угьоре э песдеине жэгIмиетлуье ве сенигIэтлуье корисохи.
Эри гIэилгьо эз Догъисту рафдеи э Машук бири дувойне минкин: неки варасире соводие программере, оммо ве борж берде эри бэхш те 1,5 млн. монетгьо эри э кор венгесде социальни мэгIэнолуье хьэвесгьой хуьшдере.
BY ВАТАН
Share with your friend now:
group-telegram.com/Gazetavatan05/28871