group-telegram.com/PR_AirAstana/581
Last Update:
Air Astana Алматы әуежайында The Shanyraq бизнес-залын ашты
Air Astana Алматы халықаралық әуежайының жаңа терминалында компанияның алғашқы The Shanyraq бизнес-залын ашқанын қуанышпен хабарлайды. Бұл Air Astana-ның 20 жылдан астам тарихындағы маңызды оқиға. Лаундж Алматыдан халықаралық рейстермен ұшатын бизнес-класс жолаушылары мен Nomad Club бағдарламасының жоғары мәртебелі қатысушылары үшін қолжетімді.
The Shanyraq – толыққанды қызмет көрсету концепциясы бар, ауданы 600 шаршы метрден асатын бизнес-зал. Мұнда жолаушылар ұлттық нақыштағы атмосферада ұшуға дейін жайлы уақыт өткізе алады. Лаунджда демалу және жұмыс істеу аймақтары, ана мен бала бөлмесі, душ қабылдау кабиналары, ерекше қажеттіліктері бар жолаушыларға арналған ыңғайлылықтар, сондай-ақ рейс ақпараты бар табло қарастырылған. Қонақтарға ыстық тағамдар, жеңіл дәмдер мен сусындар ұсынылады.
Бизнес-зал бір уақытта 100-ден астам қонақты қабылдай алады және тәулік бойы жұмыс істейді. Залды басқару үшін жергілікті және шетелдік серіктестер тартылып, олар жолаушылардың тілектері мен әуекомпанияның халықаралық деңгейдегі қызмет көрсету тәжірибесіне сай стандарттарға сәйкес жұмыс атқарады. The Shanyraq-тың ашылуы Air Astana-ның сервисті үздіксіз жақсартып, әлемдік деңгейдегі өнімді ұсынуға деген ұмтылысын айқындайды.
BY Air Astana press-releases
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/PR_AirAstana/581