group-telegram.com/ahgeel/22293
Last Update:
ﺃﻧﺎ ( ﺭﻭﻧﻖ ) : ﻃﻴﺐ ﺳﺆﺍﻝ ﺍﻟﻔﺮﻕ ﺑﻴﻨﻨﺎ ﻭﺷﻮ ؟؟
ﺃﻧﺎ ﻗﺼﻴﺮﺓ ﻭ ﻣﻠﻴﺎﻧﺔ ﻭﺃﺷﺒﺎﻫﻲ ﻋﺎﺍﺍﺍﺍﺍﺩﻳﺔ ﺃﻭ ﺃﻗﻞ ,
ﺻﺢ ﺇﻧﻲ ﺑﻴﻀﺎﺀ ﻭﻫﺬﻱ ﻫﻲ ﺍﻟﻤﻴﺰﻩ ﺍﻟﻮﺣﻴﺪﺓ ﺑﻲ ﻭﻟﻮ ﻛﺎﻥ
ﺷﻌﺮﻱ ﺍﺷﻘﺮ ﻟﻜﻨﻪ ﺧﻔﻴﻒ ﺑﻌﻜﺲ ﺷﻌﺮﺗﺲ ﺍﻟﻠﻲ ﻣﺎ ﺷﺎﺀ ﺍﻟﻠﻪ
ﺛﻘﻴﻞ ﻭﻧﺎﻋﻢ ﻭﺃﺳﻮﺩ ﻭ ﻏﺰﻳﺮ ﺣﺘﻰ ﺍﻧﺘﺲ ﻃﻮﻳﻠﺔ ﻭﺃﺷﺒﺎﻫﺘﺲ
ﺣﻠﻮﻩ ﻭ ﺣﺘﻰ ﺳﻤﺎﺭﺗﺲ ﻭﺍﻟﻠﻪ ﺇﻧﻪ ﻣﺤﻠﻴﺘﺲ ﺣﺘﻰ ﺻﺪﻳﻘﺘﻲ ﻧﺠﻮﺩ
ﺗﻘﻮﻝ ﺍﻥ ﺳﻤﺎﺭﺗﺲ ﺯﻱ ﺳﻤﺎﺭ .........
ﻣﻲ : ﺑﺲ ﺧﻼﺹ ﻭﺍﻟﻠﻪ ﻓﺎﻫﻤﻪ ﻟﻜﻦ ﺍﻟﻌﺎﻟﻢ ﺍﻟﻠﻲ ﺑﺮﺍ ﻣﻦ ﻳﻔﻬﻤﻬﻢ .
ﺭﻭﻧﻖ : ﻃﻴﺐ ﻛﻤﻠﻲ .. ﻭﺑﻌﺪﻳﻦ ﺗﻌﺎﻟﻲ ﺍﻟﻤﻔﺮﻭﺽ ﺍﻧﺘﺲ ﻣﻦ
ﺍﻷﻭﻝ ﻣﺴﻜﺮﻩ ﻭﻻ ﻗﻌﺪﺗﻲ ﺗﺴﻤﻌﻴﻦ ﻛﻼﻣﻪ ﺍﻓﺮﺿﻲ ﺍﻥ ﺍﺑﻮﻱ ﻃﻠﻊ
ﺃﻭ ﺣﺘﻰ ﺃﻣﻲ .
ﻣﻲ : ﺣﺴﻴﺖ ﺃﻧﻪ ﻧﻔﺴﻲ ﻛﺎﺭﻩ ﺍﻟﺪﻧﻴﺎ .
ﺃﻧﺎ : ﻗﻠﺖ ﻟﺘﺲ ﺳﺠﻠﻲ ﻣﻌﻨﺎ ﺃﻧﺎ ﻭﺃﻣﻲ ﺑﺪﺍﺭ ﺗﺤﻔﻴﻆ ﺍﻟﻘﺮﺁﻥ
ﺍﻟﻌﺼﺮ ﺑﺲ ﺃﻧﺘﻲ ﻣﺎ ...
ﻣﻲ ﺗﻘﺎﻃﻌﻦ : ﺍﻟﻤﻬﻢ .... ﺇﻧﻲ ﻣﻦ ﺑﻜﺮﻯ ﺳﻤﻌﺖ ﺍﻟﺘﻠﻔﻮﻥ
ﻳﺮﻥ ﺑﻨﻔﺲ ﺍﻟﻮﻗﺖ ﻭﺭﺩﻳﺖ ﻣﻊ ﺇﻧﻲ ﻋﺎﺭﻓﻪ ﺃﻧﻪ ﻫﻮ .. ﺳﻠﻢ
, ﻭﺻﺎﺭ ﻳﺴﻮﻟﻒ ﻭﻳﻘﻮﻝ ﻋﻦ ﺍﻟﺪﻧﻴﺎ ﺿﺎﻳﻘﻪ ﻋﻠﻴﻪ ﺃﻛﺜﺮ
ﻭﺃﻛﺜﺮ , ﺭﺣﻤﺘﻪ ﻭﺗﺠﺮﺃﺕ ﻭﺗﻜﻠﻤﺖ ﻣﻌﻪ ...
ﺑﻌﺪ ﻣﺎ ﺭﻣﺖ ﻣﻲ ﺍﻟﻘﻨﺒﻠﻪ ﻭﻓﺠﺮﺕ ﻛﻼﻣﻪ ﺣﻞ ﺳﻜﻮﻥ ﻋﻠﻰ ﺍﻟﻐﺮﻓﺔ ..
ﺧﻮﻑ ﻭﺗﺮﻗﺐ ﻟﺮﺩﺓ ﻓﻌﻠﻲ ﻣﻦ ﻗﺒﻞ ﻣﻲ ..
ﻭﻋﺪﻡ ﺗﺼﺪﻳﻖ ﻣﻦ ﺟﻬﺘﻲ ﻣﻌﻘﻮﻟﺔ ﻣﻲ ﺗﻜﻠﻢ .....ﻭ .. ﺍﺍﺍﺍ ... ﺣـ ....ﺩ
ﺧﻼﻝ ﻫﺬﺍ ﺍﻟﺴﻜﻮﻥ ﻣﻲ ﻧﺰﻟﺖ ﺭﺍﺳﻪ ﻭﺭﺟﻌﺖ ﺭﻓﻌﺘﻪ ﻭﺃﺻﺎﺑﻌﻪ ﺻﺎﺭﺕ
ﺑﻴﻀﺎﺀ ﻣﻦ ﺍﻹﺭﺗﺒﺎﻙ ﻭﻛﺄﻧﻪ ﺗﺴﺤﺐ ﻛﻠﻤﻪ ﻛﺒﻴﻴﻴﻴﻴﻴﻴﺮﻩ
ﻭﺑﺘﺮﻣﻴﻪ ﻋﻠﻲ : ﺗﺒﻴﻦ ﺍﻟﺼﺮﺍﺣﺔ ﺗﻌﻮﺩﺕ ﻋﻠﻴﻪ ﻭﺻﺮﺕ ﻛﻞ ﻳﻮﻡ
ﺃﺣﺘﺮﻱ ﻣﻜﺎﻟﻤﺘﻪ ﺑﻬﺎﻟﻮﻗﺖ ﻟﺤﺪ ﻣﺎ ﺗﻄﻮﺭ ﺍﻟﻮﺿﻊ ﻭﺻﺮﺕ ﺃ ... ﺃﻧﺎ ﺍﻟﻠﻲ ........ ﺃﺗﺼﻞ ﻋﻠﻴﻪ ,
ﺃﺗﻀﺎﻳﻖ ﺃﺣﻴﺎﻧﺎ ﻭﺃﺣﺲ ﻛﻞ
ﻣﻦ ﻓﻲ ﺍﻟﺪﻧﻴﺎ ﻻﻫﻲ ﺑﻨﻔﺴﻪ ﻭﻣﺎ ﺃﻟﻘﻰ ﺇﻻ ﻫﻮ , ﺷﻜﻴﺖ ﻟﻪ
ﻫﻤﻮﻣﻲ ﻭ ﻛﺎﻥ ﻳﺴﻤﻊ ﻟﻲ ﻭﻳﻄﻴﺐ ﺧﺎﻃﺮﻱ ﻭﻣﺎ ﺃﺳﻜﺮ ﻣﻨﻪ ﺇﻻ
ﻭﺃﻧﺎ ﻣﺮﺗﺎﺍﺍﺍﺣﻪ , ﻛﺎﻥ ﺑﻌﻜﺴﻜﻢ ﻛﻠﻜﻢ ﺍﻟﻠﻲ ﻟﻤﺎ ﺃﺷﻜﻴﻠﻜﻢ
ﺗﻘﻮﻟﻮﻥ ﻟﻲ ﻭﺵ ﻧﺎﻗﺼﺘﺲ ﺃﻧﺘﻲ ﺃﺣﺴﻦ ﻣﻦ ﻏﻴﺮﺗﺲ !!!!
ﻭﻛﻤﻠﺖ : ﺍﻟﻤﻬﻢ ﺇﻧﻪ ﻣﺮﺕ ﺍﻷﻳﺎﻡ ﻭﺗﻌﻮﺩﺕ ﻋﻠﻴﻪ ﺣﺘﻰ ﺇﻧﻪ
ﺻﺎﺭ ﺟﺰﺀ ﻣﻦ ﺣﻴﺎﺗﻲ ﻟﻴﻦ ﺟﺎﺀ ﻳﻮﻡ ﻭﺷﻔﺖ ﺳﻠﻄﺎﻥ ﺭﺟﻞ ﺃﺳﻤﺎﺀ
ﺟﺎﻱ ﺑﻴﺎﺧﺬ ﺃﺳﻤﺎﺀ ﻭﺑﻨﺎﺗﻪ ﻣﻦ ﺑﻴﺘﻨﺎ ﻳﻮﻡ ﻛﺎﻧﺖ ﻫﻲ ﻭﻫﺪﻯ
ﻋﻨﺪﻧﺎ ﻗﺒﻞ ﺍﺳﺒﻮﻋﻴﻦ , ﺗﺬﻛﺮﻳﻦ ﺛﻴﺎﺑﻪ ﻛﺎﻧﺖ ﻛﻠﻪ ﺩﻡ ﻷﻧﻪ
ﺷﺎﺭﻙ ﺑﺈﻧﻘﺎﺫ ﻋﺎﺋﻠﺔ ﻣﻦ ﺣﺎﺩﺙ ﺗﺬﻛﺮﻳﻦ ﻳﺎ ﺭﻭﻧﻖ .
ﺃﻧﺎ ﻭﺃﻧﺎ ﻣﺼﺪﻭﻣﺔ : ﺇﻳﻪ ﺣﺘﻰ ﺑﻨﺘﻬﻢ ﻣﺎﺗﺖ .
ﻣﻲ : ﻣﺎ ﻗﺪﺭﺕ ﺃﻧﺎﻡ ﺫﻳﻚ ﺍﻟﻠﻴﻠﺔ ﺍﻟﻠﻲ ﻋﺮﻓﺖ ﺑﻪ ﺇﻥ ﺍﻟﺒﻨﺖ
ﻣﺎﺗﺖ ﺗﺨﻴﻠﺖ ﻧﻔﺴﻲ ﻣﻜﺎﻧﻪ ﺣﺘﻰ ﺇﻥ ﻭﻟﻴﺪ ﻛﺎﻥ ﻳﺘﺼﻞ ﻋﻠﻲ ﻭﻣﺎ
ﺃﺭﺩ ﻋﻠﻴﻪ .
ﺃﻧﺎ : ﻭﻟـــــﻴـــــــــــﺪ !!!!!!!
ﻣﻲ : ﺍﻟﻠﻲ ﻛﻨﺖ ﺃﻛﻠﻤﻪ ,, ﻭﻣﺎ ﺃﺫﻥ ﺍﻟﻔﺠﺮ ﺇﻻ ﻭﺃﻧﺎ ﻣﻘﺮﺭﻩ
ﺇﻧﻲ ﺃﺗﺮﻙ ﻭﻟﻴﺪ , ﺻﺤﻴﺢ ﻛﺎﻥ ﺍﻟﻘﺮﺍﺭ ﺻﻌﺐ ﻋﻠﻲ ﺑﺲ ﻛﻨﺖ
ﺧﺎﻳﻔﺔ ﺃﻣﻮﺕ .
ﺃﻧﺎ : ﻳﻌﻨﻲ ﺗﺪﺭﻳﻦ ﺃﻧﺘﺲ ﻋﻠﻰ ﺧﻄﺄ .
ﻣﻲ : ﺃﺩﺭﻱ ﻟﻜﻦ ...ﻭ ﺭﻓﻌﺖ ﺭﺍﺳﻪ ﻟﻠﺴﻘﻒ ﻭﻛﺄﻧﻪ ﺧﺎﻧﻪ ﺍﻟﺘﻌﺒﻴﺮ .
ﺃﻧﺎ : ﺣﻠﻮ ﺃﻧﺘﺲ ﺻﺤﺤﺘﻲ ﺍﻟﺨﻄﺄ .
ﻣﻲ : ﺁﺁﺁﺁﻩ ... ﻛﻠﻤﺘﻪ ﺑﻌﺪ ﺻﻼﺓ ﺍﻟﻔﺠﺮ ﻭﻗﻠﺖ ﻟﻪ ﻋﻠﻰ
ﺍﻟﺴﺎﻟﻔﺔ ﺿﺤﻚ ﻋﻠﻲ ﺑﺼﻮﺕ ﻣﻘﺮﻑ ﻭﺗﻐﻴﺮ ﺻﻮﺗﻪ ﺍﻟﺤﻨﻮﻥ ﻟﺼﻮﺕ
ﻭﺣﺶ ﻣﺎﻳﺮﺣﻢ ﻭﻗﺎﻝ : ﺃﻧﺎ ﻃﻮﻝ ﺍﻟﻔﺘﺮﺓ ﺍﻟﻠﻲ ﺭﺍﺣﺖ ﻭﺃﻧﺎ
ﻣﻌﻄﻴﺘﺲ ﻓﺮﺻﻪ ﻋﺸﺎﻥ ﻧﺘﻌﺮﻑ ﻋﻠﻰ ﺑﻌﺾ ﺃﻛﺜﺮ ﻭ ﺗﻘﻮﻯ ﺍﻟﻌﻼﻗﻪ
ﺑﻴﻨﻨﺎ ﻟﻜﻦ ﺗﺤﻠﻤﻴﻦ ﻳﺎ ﻣﺎﻣﺎ ﺃﻧﺎ ﻣﺴﺠﻞ ﺻﻮﺗﺘﺲ ﻭﺍﻟﺸﺮﻳﻂ
ﺑﻴﻮﺻﻞ ﻷﺑﻮﺗﺲ .
ﺃﻧﺎ : ﻭﺵ ﻋﺮﻓﻪ ﺑﺄﺑﻮﻱ ؟؟ !!
ﻣﻲ ﻧﺰﻟﺖ ﻋﻴﻮﻧﻪ ﺑﺎﻷﺭﺽ ﻭﻗﺎﻟﺖ : ﺃﺧﺘﺲ ﺍﻟﻐﺒﻴﺔ ﺍﻧﻪ ﺑﻴﺨﻄﺒﻪ !!
ﺃﻧﺎ : ﻣﻲ ﺻﺎﺣﻴﺔ ﻳﺨﻄﺒﺘﺲ ﻭﻫﻮ ﻳﻜﻠﻤﺘﺲ ؟؟ ﺗﻠﻌﺒﻴﻦ ﻋﻠﻲ ؟؟
ﻣﻲ : ﻭﺍﻟﻠﻪ ﺍﻟﻌﻈﻴﻢ ﺇﻧﻪ ﻗﺎﻟﻲ ﺇﻧﻪ ﺑﻴﺨﻄﺒﻦ .
ﺃﻧﺎ : ﺃﻧﺘﻲ ﻣﺠﻨﻮﻧﺔ ﺗﺼﺪﻗﻴﻨﻪ ؟ !!
ﻣﻲ : ﺃﻧﺎ ﺃﺗﻤﻨﻰ ﺇﻧﻲ ﺃﺗﺰﻭﺝ ﻣﻦ ﺃﻳﺎ ﻛﺎﻥ ﻳﺎ ﺭﻭﻧﻖ ﺃﺣﺲ
ﺇﻧﻲ ﺣﺠﺮ ﺑﻄﺮﻳﻘﺘﺲ ﻳﻌﻨﻲ ﻣﺎ ﺭﺍﺡ ﺗﺘﺰﻭﺟﻴﻦ ﺇﻻ ﻟﻤﺎ ﺃﺗﺰﻭﺝ
ﻭﺗﻌﺮﻓﻴﻦ ﻋﺎﺩﺍﺗﻨﺎ ﻻﺯﻡ ﺍﻟﺘﺮﺗﻴﺐ ,, ﻭﻭﻭ ﺃﺑﻮﻱ ﻭﺷﺪﺗﻪ ﻛﻞ
ﻣﻦ ﺧﻄﺒﻦ ﺭﺩﻩ ﻫﺬﺍ ﻃﺎﻳﻞ ﻭﻫﺬﺍ ﻗﺎﺻﺮ .
ﺃﻧﺎ : ﻭﺃﺣﺪ ﻗﺎﻟﺘﺲ ﺇﻧﻲ ﻃﺎﻳﺮﻩ ﻋﻠﻰ ﺍﻟﻌﺮﺱ ؟ !!
ﻣﻲ : ﺗﺤﺴﺒﻴﻨﻦ ﻣﺎ ﺃﻋﺮﻑ ﺇﻥ ﻛﻞ ﻳﻮﻡ ﻭﺣﺪﻩ ﺩﺍﻗﻪ ﻋﻠﻰ ﺃﻣﻲ
ﺗﺨﻄﺒﺘﺲ ﺑﻤﺎ ﺇﻥ ﻣﻠﻜﺘﺲ ﻣﺎ ﺃﺣﺪ ﻳﺪﺭﻱ ﻋﻨﻪ ﺇﻻ ﺃﻫﻞ ﺍﻟﺒﻴﺖ
ﻭﺗﺤﺴﺒﻴﻨﻦ ﻣﺎ ﺃﻋﺮﻑ ﺇﻥ ﺗﺮﻛﻲ ﻳﺘﺤﻘﺮﺹ ﻛﻞ ﻣﺎ ﺳﻤﻊ ﺇﻥ ﺃﺣﺪ
ﺧﻄﺒﺘﺲ ﻣﻊ ﺇﻧﻪ ﻣﺎﻟﻚ ﻋﻠﻴﺘﺲ ﺑﺲ ﻫﻮ ﺩﺍﻳﻤﺎ ﻳﺨﺎﻑ ﻟﻤﺎ ﻳﺴﻤﻊ
ﺑﻄﺎﺭﻱ ﺧﻄﺒﺔ ﻭ ﺗﺪﺭﻳﻦ ﺇﻥ ﺍﺑﺮﺍﻫﻴﻢ ﻭﻟﺪ ﺟﻴﺮﺍﻧﻨﺎ ﻭﻓﻬﺪ ﻭﻟﺪ
ﺧﺎﻟﻲ ﺣﻤﺪ ﻛﻠﻬﻢ ﺗﺮﻛﻲ ﺍﻟﻠﻲ ﺟﺎﺑﻬﻢ ﻳﺨﻄﺒﻮﻧﻦ ﺃﺩﺭﻱ ﺇﻧﻪ ﻭﻟﺪ
ﻋﻤﻲ ﻭﻳﺒﻴﻠﻲ ﺍﻟﺨﻴﺮ ﺑﺲ ﺃﺑﻮﻱ ﺍﻟﻠﻪ ﻳﻬﺪﻳﻪ ﻛﻞ ﻭﺍﺣﺪ ﻃﻠﻊ ﺑُﻪ
ﻋﺬﺭﻭﺏ ,, ﻫﺬﺍ ﻳﺪﺧﻦ ﻭ ﺍﻟﺜﺎﻧﻲ ﻷﻧﻪ ﺳﺎﻓﺮ ﻣﺮﻩ ﻣﻊ ﺍﺧﻮﻳﺎﻩ
ﻟﺼﻼﻟﻪ ﻣﺮﻩ ﻭﺣﺪﻩ ﺑﺲ .
ﺃﻧﺎ : ﺑﺲ ﻛﻞ ﻫﺬﺍ ﻣﺎ ﻳﺒﺮﺭ ﻟﺘﺲ ﺧﻄﺎﺗﺲ .
ﻣﻲ : ﻋﺎﺩ ﻫﺬﺍ ﺍﻟﻠﻲ ﺻﺎﺭ ﻭﺍﻟﻠﻪ ﺇﻧﻲ ﻣﺘﺤﺴﻔﺔ ﻛﺜﺮ ﺷﻌﺮ ﺭﺍﺳﻲ
ﺑﺲ ﻭﺵ ﺍﻟﻔﺎﻳﺪﺓ ﺍﻟﺤﻴﻦ .
ﺃﻧﺎ : ﺃﻭﻭﻭﻭﻑ ﻣﻲ ﻻ ﺗﻠﻌﺒﻴﻦ ﺑﺄﻋﺼﺎﺑﻲ ﻭﻋﻄﻴﻦ ﻣﻦ ﺍﻷﺧﻴﺮ
ﻗﻠﺘﻴﻠﻪ ﻋﺎﺋﻠﺘﻨﺎ .
ﻣﻲ ﻧﺰﻟﺖ ﺭﺍﺳﻪ : ﺇﻳـــــــــﻪ ﻭ ﻋﻦ ﺃﺳﻤﺎﺀ ﺃﺑﻮﻱ ﻭﺃﺧﻮﺍﻧﻲ
ﻭ ﺣﺘﻰ ﻭﺻﻒ ﺑﻴﺘﻨﺎ .
ﻗﻤﺖ ﻣﻦ ﺳﺮﻳﺮﻱ ﻭﺃﻧﺎ ﻣﺘﻮﺗﺮﻩ ﻭﺷﺪﻳﺖ ﺷﻌﺮ ﻣﻲ ﻭﺃﻧﺎ ﻣﻨﻘﻬﺮﻩ ..
ﻣﻲ : ﺁﺁﺁﺁﺁﺁﺁﺁﻩ ﺭﻭﻧﻖ ﻓﻜﻲ ﺷﻌﺮﻱ ﺁﺁﺁﺁﻱ
ﻛﻨﺖ ﻛﺄﻧﻲ ﺑﺮﻛﺎﻥ ﺛﺎﻳﺮ ﺣﺘﻰ ﺣﺴﻴﺖ ﺇﻥ ﺷﻌﺮ ﻣﻲ ﺑﻴﺘﻘﻄﻊ ﺑﻴﻦ
ﺇﻳﺪﻳﻨﻲ ﺻﺤﻴﺢ ﺃﻧﺎ ﺃﺻﻐﺮ ﻣﻨﻪ ﺟﺴﻢ ﻭﻋﻤﺮ ﺑﺲ ﻣﻦ ﺍﻟﻌﺼﺒﻴﻪ
ﻣﺎ ﻗﺪﺭﺕ ﺃﻣﺴﻚ ﺃﻋﺼﺎﺑﻲ
ﺃﻧﺎ : ﺗﺪﺭﻳﻦ ﻳﺎ ﻣﺤﺘﺮﻣﻪ ﻭﺵ ﻳﺒﻲ ﻳﻘﻮﻟﻮﻥ ﺍﻟﻨﺎﺱ ,,
ﺑﻴﻘﻮﻟﻮﻥ ﺇﻥ ﺃﻡ ﻣﺤﻤﺪ ﻣﺎ ﻋﺮﻓﺖ ﺗﺮﺑﻲ ﺭﻛﺰﻱ ﻳﺎ ﻣﻲ
ﺃﻣﻲ ﻣــﻮﺿــﻲ ﺑﺘﺼﻴﺮ ﺳﻴﺮﺗﻪ ﻋﻠﻰ ﻛﻞ ﻟﺴﺎﻥ .
ﻣﻲ : ﺇﻫﺊ ﺇﻫﺊ ﺭﻭﻧﻖ ﻓﻜﻲ ﺷﻌﺮﻱ ﻭ ﺧﻠﻴﻨﺎ ﻧﺪﻭﺭ ﺣﻞ ﺗﻜﻔﻴﻴﻴﻦ
ﺗﺮﻛﺘﻪ ﺑﺴﺮﻋﻪ ﻭﻛﺄﻧﻲ ﺃﻧﻔﻆ ﺇﻳﺪﻳﻨﻲ ﻣﻨﻪ ﺑﺘﻘﺰﺯ ﻭﺩﻓﻴﺘﻪ
ﻋﻠﻰ ﺍﻟﺴﺮﻳﺮ ﻭﺻﺮﺕ ﺃﺩﻭﺭ ﺑﺎﻟﻐﺮﻓﻪ ﺑﺘﻮﺗﺮ ﻭﺃﻓﻜﺮ ﺑﺤﻞ
ﻟﻬﺎﻟﻤﺼﻴﺒﻪ ﺍﻟﻠﻲ ﺣﻄﺘﻨﺎ ﺑﻪ ﻫﺎﻟﻐﺒﻴﻪ ..
ﻣﻲ : ﺩﻕ ﺩﻕ .
ﺃﻧﺎ : ﻫﻮ ؟؟؟
ﻣﻲ : ﺇﻳﻪ .
ﺃﻧﺎ : ﻫﺎﺗﻴﻪ .
BY عالم القصص والروايات 📚
Share with your friend now:
group-telegram.com/ahgeel/22293