group-telegram.com/qgjkk/1542
Last Update:
لاتهد ايدي يغــــالي يابعد حيلي وتچـــوتي
روحتك مابيهه رده بس ييمه الموت موتي
يبني تتبـــــده الصواني
والعرس تاليته فرگـــه
حلمي مو تابوت اريده
چنت اريد اوياك ملگـه
ليش= ماحني چــفك ليش= عارضلي طفك
ليش= تستعجل المن ليش= مو ردت ازفك
يمه اريد اتهنه بيك الــبس ثيابك
حضّرت نيشانك امن اول شبابك
من زغر سنك نطرتك يافرحتــــــي بالولاده
ابني حلمي ليله ليلـه وكبرت اوياي السعاده
ثاري تعب ارباي باچــــر
چنه مامقســــــــوم اليه
ردته يرجــــــع بالهلاهل
مو يرد ميـــــــــت عليه
مات= كلشي اعله بالي مات= تعبي ودلالي
مات= مو بس دليـــلي مات= حته خيــالي
يبني هوه الفرح مالايگـــــــلي رسمه
وانه حته الهوى يلچــمني امن اشمه
ساكت ويحچي جمالك اتغازل الحومه صفنتك
طولك الداريتـــه بيدي للذبح صــــارت رگبتك
الليله بالخيمه اشـحلاتك
عيونك اتونســــني خلهه
گـــــــبل لا يطفيهه حافر
والسهم ياخــــــذ شكلهه
كون= مو هسه وكتك كون= توه انه شلـتك
كون= لحضاني ترجع كون=وابدي بعشرتك
مدري حالي اشلون لو باچــــر اعوفك
وانه اغار اعليك حتـــه امن اليشوفك
بيّن العاشر رباحــــــــه والسيوف اتحزمتلك
هاي عيني شلون بيهه من امس هيه ترفلك
خطوه من تخطيهه عني
تشلع بگلبـــــــي شثگلهه
ياهي مثلي عدهه مثلك
والمصيبه ماهــــــو الهه
هاي= رمله وحزنهه هاي= مو الهه ابنهه
هاي= قصة عـذابي هاي= فگدت لبنهه
يمه قاسم چلمه هاي واحله چـــلمه
ابني من كاروكه حد السيــــف زلمه
من بعيد اعلـــــيك اعاين وتمشي بيه اجدامي غفله
شما سمعت ايطيح واحد يمه اصيحنــلك اسم الله
عجت اعليك التـــــــــرابه
والعطش تارس دليـــــلك
يمه ريت البيــــــــــك بيه
اوگف اشويه اعله حيلك
گوم= طيحته گلبي كوم= ضيعته دربي
گوم= ارجعلي يمه گوم= يمجازي تعبي
طفّيت كل اشموعك وتانــيت جيه
رديتلي امدد ييمه اشــــــــلون بيه
خادم القصيده
شاكر الصيمري
BY شاكر الصيمري
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/qgjkk/1542