group-telegram.com/qizilyaz/73
Last Update:
@qizilyaz
آمان آمان قارا تئللی کیربیتچی
دامجی دامجی قارانلیقدا تر تؤکن
اود یوردومون قیزلیجا داغلاریندان
میلیونلار تن، گوگرد چئکیپ سؤک گینن
کارخانازدا ایله کیربیت تؤک گینن
کی ظولمون کؤکونو یاندریب یاخسین
بؤتون عالم بیز لره حیران قالسین
آمان آمان "ساری سولو" ایلمکچی
ایلمک سالیب دفه دؤین، آه چئکن
کیپریک لرین یانان قانین یاندیران
او ندیر کی دوگونلورسن کسیرسن
اورک سسین بوغازیندا بوغورسان
بیرجه یولدا، خالچاندا بیر شکیل سال
گؤرنلرین دیزلرینی قورودسون
بیر شکیل سال ارباب لاری قورخوتسون
ظالیم لرین بارماقلارین دویونله
سلیمان تک قالخ، دؤی لری زنجیرله
قوی خالچانی آلان ساتان بیلسین کی
سنین دیلسیز اللرینده نه لر وار
خالچا اوسته باشماقلی یئریینلر
بیلسینلر کی دیلسیز دینسه نه قوپار
آمان آمان ساری تللی "زنجانلی"
آمان گؤزل پیچاقلار یونان اوغلان
آغ پولاد دان، سوموک تکین پولاد دان
ائله کسگین پیچاقلار یون گونان کی
ییرتا بیلسین ظولمون چیرکین اورگین
بلکه چوبان آزاد چالسین توتگین
آمان آمان اوزاق کتده اوبادا
اوجا بویلی خورما تئللی معلم
ایشیق ساچ بیر قارانقولوق کیلاسدا
آی اولدوز سوز کیچیک بیر دونیالاردا
کورلوق چئکمیش بالاجا اینسانلارین
اود دان ایستی چایدن آیدین قلبینده
بشریت سؤزون تکجه یاز گینان
اینسانلارین قول قانادین باغلایان
قورخو فیکرین اورک لردن پوز گینان
آمان آمان روم دان گؤچک "اوروم" دان
گوموش تئللی قوجامان چاخیر چئکن
یئمیش لرین ایین توتان کوپلره
عشقین دادین وئرین چاخیر چئک گینن
قوی حیاتین آغیر یولون گئچنلر
دینجلسینلر اوزوم بولاقلاریندا
ائله چاخیر چئک گینن کی یاندیرسین
اورگیده اورکده کی دردی ده
بیر چاخیر چئک مین چؤل سؤزلر آندیرسین
خالقیما کی گول اکرکن خار دردی
علیرضا نابدل (اوختای)
ایشیق کیتابی
@qizilyaz
شعر و ادبیات کانالی
BY قیزیل یاز
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/qizilyaz/73