group-telegram.com/madina_miytan/2694
Last Update:
Нега хурсанд бўлишимиз шунчалик "мураккаб"?
Бу биздаги "касаллик"микан?
Бугун бозор кунга мос бўлган ҳаётнинг бир қизиқ ва кўпчиликка таниш ҳолати ҳақида гаплашамиз.
Бизда ёки яқинларимизда (болалар эмас) кўпинча учрайдиган бир "дард" бор, яъни хурсанд бўлишимиз учун "мураккаб" ҳисларни босиб ўтамиз?
Нега хурсанд бўлишимиз "қийин"?
Баъзан қувонч ва хурчандчилик шунчалик осон келадики, лекин биз дарҳол унда ёмонликларни излаймиз. Бирор яхши нарса содир бўлса, дарҳол бошимиздаги "ички танқидчи" ёки "огоҳлантирувчи" баланд овозда шундай дейди:
💭 Ҳаммаси ҳозир расво бўладиёв...
💭 кўп кулвордим, орқасидан бир йиғлайманов...
💭 жуда хурсанд бўвординг, орқасидан бир хафагарчилик келмаса бўлди...
💭 бу узоқ давом етмайди барибир. Бир лаҳзалик. Ҳамиша шундай бўлмайди. Ўзингдпн кетворма...
Хуллас, хурсандчилик келганида, унинг ортида нимадир "турмагани" га шубҳа қилиб, доимий эҳтиёткорлик позициясига ўтамиз.
Баъзида шундай бўладики, ҳурсандчилик борида, келганида, ўз вақтида воқеан ҳис қилинмайди. Ҳаммаси яхшидек, атрофда ҳаммаси жойида, лекин ичинг – тим қоронғу, бўм- бўшдек. У ҳеч нарсага "ярқ" этмай қўяди. Бу нимадир ёмонлигини билдирмайди, албатта.
Бунда "нотўғри" нарсани ўзи йўқ!
Мабода сиз доим шундай қилсангиз хавотирга ўрин йўқ, асло "хато" ёки "нормал эмаслик" ҳақида ўйламанг. Бу фақат шуни англатадики, бизга қачонлардир, осонликча ва тинчгина бахтли бўлишга, хурсандчиликдан кўп кулишга, эмоцияларимизни ташқарига чиқаришга йўл қўймаганлар. Хурсандчиликни тўхтатишган, уни масхаралашган, ёки "бемаъни" деб ўтиб кетгандир.
Шу сабабли, хурсандчилик шунчаки доимий, узлуксиз "Ура!" деб юриш ёки ҳайқириш эмас. Аслида, бу – ўзимизни хурсанд бўлишга рухсат бериш.
Бу ҳозир сизга нега ёқимли эканини изоҳлаб, тушунтириб ўтирмаслик. Нега бу лаҳзада ўзингизни яхши ҳис қилаётганингизни исботлаб ўтирмаслик.
Баъзида хурсандчиликка олиб борадиган биринчи қадам – бу сизга бирор нарса ёқаётганини пайқаш. Сизнинг атрофингизда ҳозир бирозгина "илиқлик" ёки бирозгина "енгиллик" пайдо бўлганини илғаш. Ва, ана шу лаҳзаларда шошмаслик... Яна қайсидир "яхшилик" ёки "муаммо" сари чопмаслик. Балки шу ҳис билан бир муддат қолиш. Ҳаттоки, ярим дақиқагина бўлса ҳам.
"Мен ҳозир ўзимни яхши ҳис қиляпман" – деган туйғу билан.
#hafta_emotsiyasi
#egzistensiyallyuboykunmuborak
@madina_miytan
BY Madina Miytan
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/madina_miytan/2694