Telegram Group & Telegram Channel
- من اؤزوم زنگیلانلی‌یام. زنگیلانی دا آلسایدیلار...بوتون گونو او خبری گؤزله‌ییرم. قورخورام زنگیلانی قایتارمامیش محاریبه دایانسین. - اللی یاشیندا آریق، چلیمسیز سوروجو گوزگودن آرخا اوتوراجاقدا بوزوشموش سولئیمانا باخیب دئدی.
- بیر- ایکی گونه زنگیلانی دا آلارلار. ناراحات اولما،- پنجره‌دن چؤله بویلانان سولئیمان دئدی.
- آی قارداش سحردن سنه باخیرام، منیم اوره‌ییم سیخیلیر. سن آللاه او باشینداکینی، گؤزونده‌کینی چیخار راحات اوتور دا. اؤزونه نییه ظولوم وئریرسن؟!
سوروجو جسارتله‌نیب بایاقدان دئمک ایسته‌دیینی دیله گتیردی.
- منه بئله راحات دیر. سن یولونو سور تئز چاتاق،- سولئیمانین بو سؤزلریندن سونرا پرت اولموش سوروجو سوسدو.
***
ایکی- اوچ ساعات سونرا سولئیمان پنجره‌نین تاققیلتی‌سینا اویاندی.
- کوردمیره‌ییک. دوش بیر تیکه چؤره‌ک یئیه‌ک، چای ایچک- اینجیک سوروجو دئدی.
- چوخ ساغ اول. من آج دئییلم. سنه نوش اولسون. راحاتجا یئمه‌یینی یئه.
سوروجو گئدندن سونرا ماشیندان دوشدو. هله گئجه ایدی. حسابلادی کی کنده سحر تئزدن چاتاجاق. سوروجو یاخشی سورموردو.
فرصت‌کن بیر سیگارت یاندیریب، کافه‌دن آرالی‌دا کی توآلته آددیملادی.
توآلت قاپیسی‌نین قیریق یئریندن سمایا باخدی. کافه‌ده اوتوران آداملارین، قاب- قاشیغی‌نین سسی ائشیدیلیردی.
تکم- سئیرک ایت هوروشمه‌لرینی، جیرجیرامالار فاصیله‌سیز، عینی ریتم‌له مشایعت ائدیردی.
گؤیده بیر اولدوز دا یوخ ایدی. آی بولودلارین آرخاسیندان بیر نئچه ثانیه‌لیک چؤله چیخیر، سونرا یئنه یوخ اولوردو. کافه‌دن گلن ماهنی سسینه دیکسیندی.
کافه‌ده‌کی‌لر گولوشوردولر، دییه‌سن رقص ائله‌ییردیلر. ال چالیردیلار.
ایشینی قورتاریب تئز آیاغا قالخدی. چؤلده ال- اوزونو یویاندا، سوروجو غفیل یانینا گلدی:
- اوووو... معللیم! بورداسان؟ من ده بایاقدان سنی آختاریرام!
سولئیمان ال- اوز یویاندان باشینی قالدیرمادان تئز اَینینی و بورکونو تاخیب چئوریلدی. هئچ نه دئمه‌دی. کئفی کؤک سوروجو آرتیق اونون ترس‌لیینه اؤیرنمیشدی:
- بیر دنه من ده توآلته دَییم، گئدک معللیم. چوخ یوبانمایاق. نه دئییب آتالار؟ یولچو یولدا گرک. سولئیمان ماشینا طرف گئدیب یئنه سیگارت یاندیردی. سوروجو گلن کیمی یولا چیخدیلار.
بو دفعه تئز یوخویا گئتدی. گؤزونو آچاندا گؤردویو یئرلر اونا چوخ دوغما ایدی. رایونلارینا چاتمیشدی. دان یئری آغارماغا باشلامیشدی. اوزونده تبسسوم یاراندی. گئنیش اکین ساحه‌لرینه باخدیقجا اوره‌یی ده سینه‌سینده بؤیویوردو‌. اوزاقدا کی نهنگ داغلار کؤلگه کیمی قارالیردی‌. اکین ساحه‌لری‌نین اوستوندن اوچان بوتون قوشلاری تانیییردی: بو شاناپیپیک دیر، بو ساغساغان دیر...
ساحه‌ده کی آتلاردان گؤزلرینی چکمیر، بیر طرفدن ده صاحیب‌لرینی آختاریردی. الینده اوزون چوبوقلا ساحه‌ده گزیشن شوخ قامتلی کیمی‌سه گؤرنده، بیلیردی کی، آتین صاحیبی دیر، راحلاشیردی. ماشین سرعتلنمیشدی. یول قیراغیندا کی آداملاری، حیوانلاری 25-جی کادر کیمی گؤروردو. ائله بیل زاماندا سیاحت ائدیردی. آداملار بیر آنین ایچینده گؤرونوب غفیل گؤزدن ایتیردیلر.
آغاجلار ایسه داها گئج یوخا چیخیردیلار. سولئیمانا ائله گلیردی کی آغاجلار دا هاراسا گئدیر. او، کنده قاییدیردی، آغاجلار ایسه کنددن باش گؤتوروب قاچیردیلار.
***
کنده آز قالمیشدی. گؤزلری دولموشدو. آغلاماماق اوچون اؤزونو گوجله ساخلاییردی. سوروجو ده بونون فرقینه واریب سرعتی آزالتمیشدی کی، بو عینک‌لی، بؤرکلو ترس آدام اطرافا دویونجا باخا بیلسین. سولئیمانین
دوز اوتوز ایل ایدی کی، بورالارا آیاغی دَیمیردی...
ائله بیل دونَن ایدی، اییرمی یاشیندایدی. عسگرلیکدن تزه گلمیشدی. خرامانی سئویردی. خرامان دا اونو سئویردی. صوبح تئزدن کندین چیخیشینداکی قبریستانلیقدا گؤروشوب باکی‌یا قاچدیلار. ائله بیل دونَن ایدی...
خرامانین آتاسی بَی‌لر کیشی دئمیشدی کی ایکی دونیا بیر اولسا دا، حکمتین اوغلونا قیز وئرمه‌رم.
بَی‌لر کیشی کندین ان حؤرمتلی کیشی‌لریندن ایدی.
مال - مولکونون سایی- حسابی یوخ ایدی. اوچ اوغلو، بیر قیزی وار ایدی. خرامان ائوین ایلک بئشیگی ایدی. کیشی قیزینی اوغوللاریندان دا چوخ ایسته‌ییردی. آمما حکمتین اوغلونا قیز وئرمَمه‌یی‌نین سببی باشقایدی.

سولئیمانین آتاسی حکمت کیشی ده ائله بئله آدام دئییلدی. کند ساوئتی‌نین صدری ایدی. بوتون کند اونون سؤزونه تابع ایدی. اونون ایجازه‌سی اولمادان هئچ کیم داش اوستونه داش قویا بیلمزدی‌. هامی اونون یانینا خواهیشه گلیردی. وظیفه‌یه گلندن سونرا لاپ عزازیللشمیشدی. بیر واختلار بَی‌لر کیشی ایله محکم دوست ایدیلار. اوشاقلیقدان بیر یئرده بؤیوموشدولار. سونرا نه اولدو نه اولمادی، هئچ کند جاماعاتی دا بیلمه‌دی، بیر گئجه‌نین ایچینده قانلی- بیچاق اولدولار. گؤرنده بیربیرینه سالام دا وئرمه‌دیلر.



group-telegram.com/Adabiyyatsevanlar/28355
Create:
Last Update:

- من اؤزوم زنگیلانلی‌یام. زنگیلانی دا آلسایدیلار...بوتون گونو او خبری گؤزله‌ییرم. قورخورام زنگیلانی قایتارمامیش محاریبه دایانسین. - اللی یاشیندا آریق، چلیمسیز سوروجو گوزگودن آرخا اوتوراجاقدا بوزوشموش سولئیمانا باخیب دئدی.
- بیر- ایکی گونه زنگیلانی دا آلارلار. ناراحات اولما،- پنجره‌دن چؤله بویلانان سولئیمان دئدی.
- آی قارداش سحردن سنه باخیرام، منیم اوره‌ییم سیخیلیر. سن آللاه او باشینداکینی، گؤزونده‌کینی چیخار راحات اوتور دا. اؤزونه نییه ظولوم وئریرسن؟!
سوروجو جسارتله‌نیب بایاقدان دئمک ایسته‌دیینی دیله گتیردی.
- منه بئله راحات دیر. سن یولونو سور تئز چاتاق،- سولئیمانین بو سؤزلریندن سونرا پرت اولموش سوروجو سوسدو.
***
ایکی- اوچ ساعات سونرا سولئیمان پنجره‌نین تاققیلتی‌سینا اویاندی.
- کوردمیره‌ییک. دوش بیر تیکه چؤره‌ک یئیه‌ک، چای ایچک- اینجیک سوروجو دئدی.
- چوخ ساغ اول. من آج دئییلم. سنه نوش اولسون. راحاتجا یئمه‌یینی یئه.
سوروجو گئدندن سونرا ماشیندان دوشدو. هله گئجه ایدی. حسابلادی کی کنده سحر تئزدن چاتاجاق. سوروجو یاخشی سورموردو.
فرصت‌کن بیر سیگارت یاندیریب، کافه‌دن آرالی‌دا کی توآلته آددیملادی.
توآلت قاپیسی‌نین قیریق یئریندن سمایا باخدی. کافه‌ده اوتوران آداملارین، قاب- قاشیغی‌نین سسی ائشیدیلیردی.
تکم- سئیرک ایت هوروشمه‌لرینی، جیرجیرامالار فاصیله‌سیز، عینی ریتم‌له مشایعت ائدیردی.
گؤیده بیر اولدوز دا یوخ ایدی. آی بولودلارین آرخاسیندان بیر نئچه ثانیه‌لیک چؤله چیخیر، سونرا یئنه یوخ اولوردو. کافه‌دن گلن ماهنی سسینه دیکسیندی.
کافه‌ده‌کی‌لر گولوشوردولر، دییه‌سن رقص ائله‌ییردیلر. ال چالیردیلار.
ایشینی قورتاریب تئز آیاغا قالخدی. چؤلده ال- اوزونو یویاندا، سوروجو غفیل یانینا گلدی:
- اوووو... معللیم! بورداسان؟ من ده بایاقدان سنی آختاریرام!
سولئیمان ال- اوز یویاندان باشینی قالدیرمادان تئز اَینینی و بورکونو تاخیب چئوریلدی. هئچ نه دئمه‌دی. کئفی کؤک سوروجو آرتیق اونون ترس‌لیینه اؤیرنمیشدی:
- بیر دنه من ده توآلته دَییم، گئدک معللیم. چوخ یوبانمایاق. نه دئییب آتالار؟ یولچو یولدا گرک. سولئیمان ماشینا طرف گئدیب یئنه سیگارت یاندیردی. سوروجو گلن کیمی یولا چیخدیلار.
بو دفعه تئز یوخویا گئتدی. گؤزونو آچاندا گؤردویو یئرلر اونا چوخ دوغما ایدی. رایونلارینا چاتمیشدی. دان یئری آغارماغا باشلامیشدی. اوزونده تبسسوم یاراندی. گئنیش اکین ساحه‌لرینه باخدیقجا اوره‌یی ده سینه‌سینده بؤیویوردو‌. اوزاقدا کی نهنگ داغلار کؤلگه کیمی قارالیردی‌. اکین ساحه‌لری‌نین اوستوندن اوچان بوتون قوشلاری تانیییردی: بو شاناپیپیک دیر، بو ساغساغان دیر...
ساحه‌ده کی آتلاردان گؤزلرینی چکمیر، بیر طرفدن ده صاحیب‌لرینی آختاریردی. الینده اوزون چوبوقلا ساحه‌ده گزیشن شوخ قامتلی کیمی‌سه گؤرنده، بیلیردی کی، آتین صاحیبی دیر، راحلاشیردی. ماشین سرعتلنمیشدی. یول قیراغیندا کی آداملاری، حیوانلاری 25-جی کادر کیمی گؤروردو. ائله بیل زاماندا سیاحت ائدیردی. آداملار بیر آنین ایچینده گؤرونوب غفیل گؤزدن ایتیردیلر.
آغاجلار ایسه داها گئج یوخا چیخیردیلار. سولئیمانا ائله گلیردی کی آغاجلار دا هاراسا گئدیر. او، کنده قاییدیردی، آغاجلار ایسه کنددن باش گؤتوروب قاچیردیلار.
***
کنده آز قالمیشدی. گؤزلری دولموشدو. آغلاماماق اوچون اؤزونو گوجله ساخلاییردی. سوروجو ده بونون فرقینه واریب سرعتی آزالتمیشدی کی، بو عینک‌لی، بؤرکلو ترس آدام اطرافا دویونجا باخا بیلسین. سولئیمانین
دوز اوتوز ایل ایدی کی، بورالارا آیاغی دَیمیردی...
ائله بیل دونَن ایدی، اییرمی یاشیندایدی. عسگرلیکدن تزه گلمیشدی. خرامانی سئویردی. خرامان دا اونو سئویردی. صوبح تئزدن کندین چیخیشینداکی قبریستانلیقدا گؤروشوب باکی‌یا قاچدیلار. ائله بیل دونَن ایدی...
خرامانین آتاسی بَی‌لر کیشی دئمیشدی کی ایکی دونیا بیر اولسا دا، حکمتین اوغلونا قیز وئرمه‌رم.
بَی‌لر کیشی کندین ان حؤرمتلی کیشی‌لریندن ایدی.
مال - مولکونون سایی- حسابی یوخ ایدی. اوچ اوغلو، بیر قیزی وار ایدی. خرامان ائوین ایلک بئشیگی ایدی. کیشی قیزینی اوغوللاریندان دا چوخ ایسته‌ییردی. آمما حکمتین اوغلونا قیز وئرمَمه‌یی‌نین سببی باشقایدی.

سولئیمانین آتاسی حکمت کیشی ده ائله بئله آدام دئییلدی. کند ساوئتی‌نین صدری ایدی. بوتون کند اونون سؤزونه تابع ایدی. اونون ایجازه‌سی اولمادان هئچ کیم داش اوستونه داش قویا بیلمزدی‌. هامی اونون یانینا خواهیشه گلیردی. وظیفه‌یه گلندن سونرا لاپ عزازیللشمیشدی. بیر واختلار بَی‌لر کیشی ایله محکم دوست ایدیلار. اوشاقلیقدان بیر یئرده بؤیوموشدولار. سونرا نه اولدو نه اولمادی، هئچ کند جاماعاتی دا بیلمه‌دی، بیر گئجه‌نین ایچینده قانلی- بیچاق اولدولار. گؤرنده بیربیرینه سالام دا وئرمه‌دیلر.

BY ادبیات سئونلر


Warning: Undefined variable $i in /var/www/group-telegram/post.php on line 260

Share with your friend now:
group-telegram.com/Adabiyyatsevanlar/28355

View MORE
Open in Telegram


Telegram | DID YOU KNOW?

Date: |

Some privacy experts say Telegram is not secure enough Friday’s performance was part of a larger shift. For the week, the Dow, S&P 500 and Nasdaq fell 2%, 2.9%, and 3.5%, respectively. "Someone posing as a Ukrainian citizen just joins the chat and starts spreading misinformation, or gathers data, like the location of shelters," Tsekhanovska said, noting how false messages have urged Ukrainians to turn off their phones at a specific time of night, citing cybersafety. Telegram, which does little policing of its content, has also became a hub for Russian propaganda and misinformation. Many pro-Kremlin channels have become popular, alongside accounts of journalists and other independent observers. The last couple days have exemplified that uncertainty. On Thursday, news emerged that talks in Turkey between the Russia and Ukraine yielded no positive result. But on Friday, Reuters reported that Russian President Vladimir Putin said there had been some “positive shifts” in talks between the two sides.
from ms


Telegram ادبیات سئونلر
FROM American