Telegram Group & Telegram Channel
Telegram Group » Montserrat » Алексей-Дархан Борисов » Telegram Webview » Post 976
Алексей-Дархан Борисов
Эргиллиэм хайаан да!..

Эмиэ ол күҥҥэ төннүбүт курдук буоллум... 2014 сыл, санаатахха, сэтинньитэ этэ. Дьоллоох Дьокуускай томтойор саалыгар Кэбээйи улууһун күннэрэ буоллулар. Мин, үһүс кылааска үөрэнэ сылдьар киһи, нэһилиэгим делегациятыгар киирэн, куоракка барсар “үрдүк дьолго” тигистим. Ол тиийэ сылдьан Саха театрыгар аан бастакыбын сылдьыбытым: киэҥ да киэҥ, үрдүк да үрдүк, сып-сырдык, ып-ыраас уораҕайтан, быыкаа кулууппуттан атыны көрбөтөх киһи, быһата, улаханнык сөхпүтүм. Оҕо киһиэхэ барыта сонун, сырдык, ураты дьикти буолан көһүннэҕэ эбээт. Ол күн биһиги “Эргиллиэм хайаан да!” испэктээги көрбүппүт уонна биир дойдулаахпыт, саха норуодунай артыыһа, оччолорго Саха театрын дириэктэрэ Анатолий Павлович Николаев 65 сааһын бэлиэтээбиппит. Ити күнтэн 10 сыл ааһа охсубут! Күн бэҕэһээ курдук...
Бу дьыл алтынньы 11 күнүгэр улахан долгутуулаах, үөрүүлээх, дьоро киэһэ үүннэ. Сахабыт театрын маанылаах уораҕайа кытыан сытынан дыргыйан күндү көрөөччүлэрин айхаллыы көрүстэ. Тус бэйэм Баһылай Харысхал реквием-пьесатынан Андрей Борисов “Эргиллиэм хайаан да!” испэктээгин төрдүс төгүлүн көрө кэллим. Бастакыбын, иккиспин, үһүспүн ханнык күҥҥэ-дьылга, кимниин көрбүппүн чуо-бааччы өйдүүбүн. Бу миэхэ, Саха театрын сүгүрүйээччитигэр, улахан суолталаах туруоруу. Бу испэктээгинэн мин театр дьиктилээхэй эйгэтигэр киирэн, кини кэрэ абылаҥар ыга куустарбытым. Ону ааһан, испэктээк икки бүк суолталаах буолан биэрдэ. Сүрүн оруолу- Гаврил Васильевич Никифоров- Манньыаттаах Уолун- аан бастаан оонньообут Анатолий Николаев 75 сааһын туолар өрөгөйдөөх үбүлүөйэ уонна кини Манньыаттаах Уолун уобараһынан сыанаҕа төннүүтэ: испэктээк бастакы аҥарыгар СӨ үтүөлээх артыыһа, Саха театрын дириэктэрэ Петр Макаров, иккис аҥарыгар Анатолий Павлович бэйэтэ оонньоото. Антракт кэннэ Анатолий Николаев сыанаҕа тахсыбытыгар ытыс тыаһа өрө хабылла түстэ. Уонча сыл кэннэ уобараска төннүү, туһугар, уустук буолан эрдэҕэ буолуо. Онон Анатолий Павлович үбүлүөйдээх дьоро күнүгэр күндү көрөөччүлэригэр, дьонугар-сэргэтигэр дьоһун бэлэх оҥорон үөртэ. Бу туруорууну киһи хайдах да дириҥ толкуйга түспэккэ, долгуйбакка көрөрө сатаммат, Манньыаттаах Уолунан сирэйдээн бүтүн саха бастакы көлүөнэ интеллигенциятын ыар дьылҕатын, төрөөбүт норуоттарыгар анаммыт дьоһуннаах олохторун туһунан күүстээх испэктээк. Манньыаттаах, Сүөдэр аҕабыыт, Күлүмнүүр, Маарыйа, Кирииһэ, Онтуолук- киһи өйүгэр иҥэн хаалар чаҕылхай уобарастар. Ол үһүс кылаас үөрэнээччитэ саха баайдарын ытар сыаналарыттан сүрдээх дьулайа санаабыппын уонна тиһэх сыанаҕа Манньыаттаах Уола сиэнинээн сыана түгэҕэр, сып-сырдык прожектор уотугар хаама туралларын эрэ өйдөөн хаалбыппын. Билигин бу испэктээги, этэргэ дылы, нойосуус билэбин, эрээри хайдах курдук буоларын иһиттим эрэ, билиэт атыылаһа охсубутум эрэ баар буолар. “Эргиллиэм хайаан да!”- туох-ханнык иннинэ, биһиэхэ, ыччакка анаммыт туруоруу. Саха сырдыкка, үрдүккэ тардыһыыта, кини ыра санаата, кини чулуу дьонун олохторун суола, кинилэр уобарастара ыччат дьону суолдьут сулус кэриэтэ ыҥыра-угуйа, саҥа саҕахтарга, үрдүк чыпчаалларга сирдии туруох тустаах.
Испэктээк кэннэ артыыстар бокулуоннара тохтоло суох дохсун ытыс тыаһынан доҕуһуолланар. Ити ытыс тыаһа артыыстарга махтал-таптал төлөннөөх, истиҥ иэйиитин сэргэ, саха чулуу дьонунан киэн туттуу, кинилэргэ дириҥ ытыктабыл көстүүтэ буолар. Анатолий Павлович, тоҕоос көһүннэр эрэ, Алампаны цитаталааччы: “Тыйаатыр көрөөччү утуйан хаалбыт устурууналарын уһугуннарыахтаах”, - диэн. “Эргиллиэм хайаан да!”- кырдьык да киһи кылын таарыйар уһулуччулаах туруоруу, Алампа тыллара олоххо көстүүтүн чаҕылхай туоһута!
Юбиляры Саха театрын уус-уран салайааччыта Андрей Борисов, култуура миниистирэ Афанасий Ноев, Ил Түмэн бэрэссэдээтэлин солбуйааччы Александр Жирков о.д.а. эҕэрдэлээтилэр. Анатолий Павлович сыанаҕа айбыт Григорий Мелехов, сержант Попов, Кочкарев, Ньынньыыхай, Мыычаар, Илья Винокуров, Гамлет о.д.а.
❤9👍3🔥1👏1
www.group-telegram.com/ms/darkhan_aleksey.com/976
122 viewsАлексей-Дархан Борисов, edited  



group-telegram.com/darkhan_aleksey/976
Create:
Last Update:

Эргиллиэм хайаан да!..

Эмиэ ол күҥҥэ төннүбүт курдук буоллум... 2014 сыл, санаатахха, сэтинньитэ этэ. Дьоллоох Дьокуускай томтойор саалыгар Кэбээйи улууһун күннэрэ буоллулар. Мин, үһүс кылааска үөрэнэ сылдьар киһи, нэһилиэгим делегациятыгар киирэн, куоракка барсар “үрдүк дьолго” тигистим. Ол тиийэ сылдьан Саха театрыгар аан бастакыбын сылдьыбытым: киэҥ да киэҥ, үрдүк да үрдүк, сып-сырдык, ып-ыраас уораҕайтан, быыкаа кулууппуттан атыны көрбөтөх киһи, быһата, улаханнык сөхпүтүм. Оҕо киһиэхэ барыта сонун, сырдык, ураты дьикти буолан көһүннэҕэ эбээт. Ол күн биһиги “Эргиллиэм хайаан да!” испэктээги көрбүппүт уонна биир дойдулаахпыт, саха норуодунай артыыһа, оччолорго Саха театрын дириэктэрэ Анатолий Павлович Николаев 65 сааһын бэлиэтээбиппит. Ити күнтэн 10 сыл ааһа охсубут! Күн бэҕэһээ курдук...
Бу дьыл алтынньы 11 күнүгэр улахан долгутуулаах, үөрүүлээх, дьоро киэһэ үүннэ. Сахабыт театрын маанылаах уораҕайа кытыан сытынан дыргыйан күндү көрөөччүлэрин айхаллыы көрүстэ. Тус бэйэм Баһылай Харысхал реквием-пьесатынан Андрей Борисов “Эргиллиэм хайаан да!” испэктээгин төрдүс төгүлүн көрө кэллим. Бастакыбын, иккиспин, үһүспүн ханнык күҥҥэ-дьылга, кимниин көрбүппүн чуо-бааччы өйдүүбүн. Бу миэхэ, Саха театрын сүгүрүйээччитигэр, улахан суолталаах туруоруу. Бу испэктээгинэн мин театр дьиктилээхэй эйгэтигэр киирэн, кини кэрэ абылаҥар ыга куустарбытым. Ону ааһан, испэктээк икки бүк суолталаах буолан биэрдэ. Сүрүн оруолу- Гаврил Васильевич Никифоров- Манньыаттаах Уолун- аан бастаан оонньообут Анатолий Николаев 75 сааһын туолар өрөгөйдөөх үбүлүөйэ уонна кини Манньыаттаах Уолун уобараһынан сыанаҕа төннүүтэ: испэктээк бастакы аҥарыгар СӨ үтүөлээх артыыһа, Саха театрын дириэктэрэ Петр Макаров, иккис аҥарыгар Анатолий Павлович бэйэтэ оонньоото. Антракт кэннэ Анатолий Николаев сыанаҕа тахсыбытыгар ытыс тыаһа өрө хабылла түстэ. Уонча сыл кэннэ уобараска төннүү, туһугар, уустук буолан эрдэҕэ буолуо. Онон Анатолий Павлович үбүлүөйдээх дьоро күнүгэр күндү көрөөччүлэригэр, дьонугар-сэргэтигэр дьоһун бэлэх оҥорон үөртэ. Бу туруорууну киһи хайдах да дириҥ толкуйга түспэккэ, долгуйбакка көрөрө сатаммат, Манньыаттаах Уолунан сирэйдээн бүтүн саха бастакы көлүөнэ интеллигенциятын ыар дьылҕатын, төрөөбүт норуоттарыгар анаммыт дьоһуннаах олохторун туһунан күүстээх испэктээк. Манньыаттаах, Сүөдэр аҕабыыт, Күлүмнүүр, Маарыйа, Кирииһэ, Онтуолук- киһи өйүгэр иҥэн хаалар чаҕылхай уобарастар. Ол үһүс кылаас үөрэнээччитэ саха баайдарын ытар сыаналарыттан сүрдээх дьулайа санаабыппын уонна тиһэх сыанаҕа Манньыаттаах Уола сиэнинээн сыана түгэҕэр, сып-сырдык прожектор уотугар хаама туралларын эрэ өйдөөн хаалбыппын. Билигин бу испэктээги, этэргэ дылы, нойосуус билэбин, эрээри хайдах курдук буоларын иһиттим эрэ, билиэт атыылаһа охсубутум эрэ баар буолар. “Эргиллиэм хайаан да!”- туох-ханнык иннинэ, биһиэхэ, ыччакка анаммыт туруоруу. Саха сырдыкка, үрдүккэ тардыһыыта, кини ыра санаата, кини чулуу дьонун олохторун суола, кинилэр уобарастара ыччат дьону суолдьут сулус кэриэтэ ыҥыра-угуйа, саҥа саҕахтарга, үрдүк чыпчаалларга сирдии туруох тустаах.
Испэктээк кэннэ артыыстар бокулуоннара тохтоло суох дохсун ытыс тыаһынан доҕуһуолланар. Ити ытыс тыаһа артыыстарга махтал-таптал төлөннөөх, истиҥ иэйиитин сэргэ, саха чулуу дьонунан киэн туттуу, кинилэргэ дириҥ ытыктабыл көстүүтэ буолар. Анатолий Павлович, тоҕоос көһүннэр эрэ, Алампаны цитаталааччы: “Тыйаатыр көрөөччү утуйан хаалбыт устурууналарын уһугуннарыахтаах”, - диэн. “Эргиллиэм хайаан да!”- кырдьык да киһи кылын таарыйар уһулуччулаах туруоруу, Алампа тыллара олоххо көстүүтүн чаҕылхай туоһута!
Юбиляры Саха театрын уус-уран салайааччыта Андрей Борисов, култуура миниистирэ Афанасий Ноев, Ил Түмэн бэрэссэдээтэлин солбуйааччы Александр Жирков о.д.а. эҕэрдэлээтилэр. Анатолий Павлович сыанаҕа айбыт Григорий Мелехов, сержант Попов, Кочкарев, Ньынньыыхай, Мыычаар, Илья Винокуров, Гамлет о.д.а.

BY Алексей-Дархан Борисов


Warning: Undefined variable $i in /var/www/group-telegram/post.php on line 260

Share with your friend now:
group-telegram.com/darkhan_aleksey/976

View MORE
Open in Telegram


Telegram | DID YOU KNOW?

Date: |

In view of this, the regulator has cautioned investors not to rely on such investment tips / advice received through social media platforms. It has also said investors should exercise utmost caution while taking investment decisions while dealing in the securities market. As a result, the pandemic saw many newcomers to Telegram, including prominent anti-vaccine activists who used the app's hands-off approach to share false information on shots, a study from the Institute for Strategic Dialogue shows. Some people used the platform to organize ahead of the storming of the U.S. Capitol in January 2021, and last month Senator Mark Warner sent a letter to Durov urging him to curb Russian information operations on Telegram. "The inflation fire was already hot and now with war-driven inflation added to the mix, it will grow even hotter, setting off a scramble by the world’s central banks to pull back their stimulus earlier than expected," Chris Rupkey, chief economist at FWDBONDS, wrote in an email. "A spike in inflation rates has preceded economic recessions historically and this time prices have soared to levels that once again pose a threat to growth." The regulator said it has been undertaking several campaigns to educate the investors to be vigilant while taking investment decisions based on stock tips.
from ms


Эргиллиэм хайаан да!..

 Алексей-Дархан Борисов TG
Webview: 976
Алексей-Дархан Борисов.Telegram Webview
Алексей-Дархан Борисов Telegram TG Channel
Telegram Updated:
Telegram Алексей-Дархан Борисов
FROM American