group-telegram.com/AlHussain128/573
Last Update:
في #سابع الإمام الحسين عليه السلام وأهل بيته ..
وزن : *التجليبه* تقرأ بأطوار المربوعة والفزاعية والشور وعدة أطوار أخرى
.
*بدروب اليسر يا خويه سابعكم*
*او لا مجلس عزيه وأنْصُبَه إلكم*
〰️〰️〰️〰️
لا مجلس عزيه وچادر انْنِصْبَه
ميسورين خويه واببلد غربه
حال الضيم حالتنه اشكثر صعبه
وكل ساعه العدو ياخويه يشتمكم
〰️〰️〰️〰️
وين اقرايتك يَحسين أنصبها
ولو وَنِّت يتيمه اعداك تضربها
چم محنه ومُصيبه خويه أحسبها
وما چان اعله بالي خويه أفارقكم
〰️〰️〰️〰️
ما چان اعله بالي نفترق واتروح
وراسك عالرمح وَيَّاي خويه ايلوح
اجبينك وَيَّه عينه كافلي مجروح
ودمكم أمسحه كلما ينزلكم
〰️〰️〰️〰️
منكم أعتذر عباس آيا احسين
اتمنيت أنصب إِلكم مجلسي بونين
وما بَطِّل عزاكم خويه يا طيبين
وليل انهار بدموعي أنوحنكم
〰️〰️〰️〰️
ما عندي محل يَحسين وأقعد بِيه
وألطم لك وأنوحن والدمع أجريه
تدري بالقلب يا بو علي تدريه
اتمنيت المنيه ولا أعوفنكم
〰️〰️〰️〰️
بس عن كربله يا بو علي عِلمي
يم قبرك أشوفن قاعِده أمي
وجَت أم البنين إمگابله وتدمي
معصبها بلطمها وتبچي اعليكم
〰️〰️〰️〰️
تنعى بين قبرك يا بعد عمري
وبين الكافل ومنها الدمع يجري
اتگله للزچيه قدمِّت عذري
من زينب خذوها بالغصب عنكم
〰️〰️〰️〰️
تمت بحمدالله تعالى
#فاطمة_كريم
*نسألكم الدعاء لتعجيل الفرج*
*يا أبا عبـــــــــــــــــــــــــدالله*
BY || خير الحسين عليه السلام ||
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/AlHussain128/573