group-telegram.com/HududgazToshkent/7616
Last Update:
“Hududgaztaʼminot” AJ Boshqaruv raisi M.Xodjayev va Bosh prokuror oʻrinbosari Sh.Aminov Andijon viloyatida tabiiy hamda suyultirilgan gaz taʼminotida amalga oshirilayotgan ishlar samaradorligini oʻrgandi
Dastlab, Asaka tumanida tashkil etilgan vodiy viloyatlarida faoliyat koʻrsatuvchi gaz sohasi xodimlarining tabiiy va suyultirilgan gaz yoʻnalishlarida malaka oshirishiga moʻljallangan oʻquv-amaliyot markazi bilan tanishildi. Xodimlar bu yerda tabiiy va suyultirilgan gazning ishlab chiqarishdan isteʼmolchilarga yetkazib berishgacha boʻlgan barcha texnologik bosqichlari haqida nazariy va amaliy bilimlarga ega boʻladi.
Ishchi guruh tomonidan, shuningdek, tumandagi “Asaka” gaz toʻldirish shoxobchasini modernizatsiya qilish jarayonlari oʻrganildi. Mazkur shoxobchada gaz saqlash quvvatlarini ikki barobarga oshirish, vagon-sisternalarni qabul qilish uchun yana ikki dona qoʻshimcha estakada qurish, foydalanishdagi sanoat quvurlarini yangilash, zamonaviy va energiya tejamkor uskunalar bilan jihozlash, shuningdek, maishiy gaz ballonlarini avtomatlashtirilgan tarzda toʻldirish ishlari rejalashtirilgan.
Shundan soʻng ishchi guruh tomonidan Paxtaobod tumani “Mashʼal” MFY hududidagi koʻp qavatli uylarda suyultirilgan gaz va havo aralashmasi orqali yoqilgʻi bilan taʼminlovchi Yaponiya texnologiyasini joriy etish boʻyicha olib borilayotgan jarayonlar oʻrganildi. Mazkur tizim avvalroq Toshkent viloyati Angren shahrida tajriba asosida muvaffaqiyatli yoʻlga qoʻyilgandi.
Yana bir manzil Andijon shaharning “Taxtakoʻprik” mahallasi boʻldi. U yerda avtomatlashtirilgan mahalla nazorat-hisob balansini joriy etish boʻyicha amalga oshirilgan ishlar koʻzdan kechirildi.
