رِوايات سُودانية🪐🤎!)"

جيت مرهقة وزهجانة بالعادة يوم الخميس دا يوم لطيف وما فيهو شغل كتير وبعدو الويكند والناس كلها مبسوطة بس أنا حاسة بي ضيق في البيت ما في موضوع ماما بتمشي شغلها وتجي لـ شغلة البيت وياها كباية الشاي البتلمنا سوا وبعدها كل زول في حالو حاسة بي فراغ وكتير مرات بتمنى لو كان عندي أخوان يهونو علي وحدتي دي.

طلعت من الحمام لقيت تلفوني برن نفس الرقم اللي إتصل لي كتير من كم يوم ..
نفس الشخص اللي كنت بتصل عليه ما برد لقيت منو sms قال لي فيها:
"ممكن تردي يا أنهار دا أنا عامر عايزك في كلمتين بس "
إضطريت أرد:

=أيوا يا عامر في شنو ألف مكالمة ما ممكن!!
_للدرجة دي مكالماتي مضايقاك؟
=وأكتر كمان.
_مُستغرب في إسلوبك الصراحة ما إتوقعت إنك تتكلمي معاي كدا.
=وإنت متوقع إنك لما تتصل أرد زي زمان ولا شنو؟
_عايز أقعد معاك يا نونة عشان ..
=اسمي أنهار وانا ما عايزة شي يلمني بيك خالص.
_ما عشاني عشان خاطر عمرو.
=اول ما قال عمرو حسيت بضيق ما طبيعي لما إتذكرت إنو هو ود عمو.
_صح أنا كسرتك وزعلتك بس عايز فرصة أصلح الـ ..
=يعني جا حكى ليك إنتوا بتلعبوا علي ولا ..
_هو ما حكى لي أهدي وبعدين الغلط ما غلطو ..
=بغض النظر عن الحصل أنا ما عايزة شي يلمني بيك يا عامر وعمرو أنا بعرف أتصرف معاهو.
_أنا بس عايز أقول ليك أديهو فرصة عمرو ما بشبهني صدقيني ح يصلح كل شي.
=ما في شي ح يتصلح يا عامر فوق على روحك دي قلوب إتكسرت ما حاجة بتتلصق أو تتلحم.
_والله ندمان يا أنهار وزعلان أكتر عشان عمرو إتضرر مني شديد ممكن تقعدي معاهو وتحلوا مشاكلكم ما ح أرجع لحياتك ولا ح أخليك تشوفيني بس عمرو ما ليهو ذنب وهو لو ما حباك مستحيل يقرب عليك والله.
=شكرًا ليك عشان وريتني إنك ما زيو ولا عمرك حبيتني يا عامر وياريت دي تكون أخر مرة تتصل لي فيها.
_أسف.

"تم إنهاء المكالمة"

صوت عامر كفيل يخرب مزاجي ويغيير كل شي 180° ما معقولة يكون مؤذي لدرجة صوتو يضايقني ويخليني أكره نفسي وأكره اليوم العرفتو فيهو.
من سوء حظي ما عرفت من ناس الدنيا ديل كلهم غير ود عمو وصحبو عشان أحبو؟
أنا كنت بشكي لـ عمرو من وجعي وتعبي من أقرب شخص ليهو؟

بتذكر في وحدة من ونستنا قلت ليو:
عارف يا عمرو في شخص واحد ما ح أعرف أسامحو مهما حصل وقتها قال لي بحزن:
أنا برضو يا أنهار عندي شخص ما ح أعرف أسامحو ما عشان أذاني شديد بس عشان ما إتوقعتها منو عارفة إحساس تكوني متأكدة وواثقة 100% في شخص وتتحدي العالم كلو بيهو فيقوم يخذلك؟
عشان الإحساس دا تحديدًا أنا ما ح أعرف أسامحو.

وقتها أنا إفتكرت عمرو بتكلم عن بت زيما أنا كنت بتكلم عن ولد وحسيت إننا بنتشارك نفس الجرح والوجع بس عمري ما إتوقعت إننا نكون ما قادرين نسامح نفس الشخص وإنو هو أذانا بنفس الطريقة.

لو كنت عارفة إنو عمرو كان قاصد عامر بي كلمة أخوي البسمعني ليها على طول ما عارفة كان ح أتصرف كيف بس ياخ ياريتني ما عرفت عمرو من الأساس.

أنا حاليًا ما فرقي شي من عامر بقيت نسخة منو وجرحت عمرو كمان وأذيتو.
قلبي واجعني عشان كل التعب التعبتو في نفسي دا كان عشان ما أأذي نفسي بس من غير ما أشعر انا بقيت إنسانة سيئة ومؤذية.

مهما إتظاهرت بالقوة دموعي بتغلبني قعدت أبكي زي الشافعة نفسي مرة واحدة بس أعرف أتصرف صح وما أتأذى من أي حاجة أعملا .. نفسي زول يمسك بي يدي ويوريني الصح من الغلط عشان أنا تعبت ياخ.

#على_الهامش:

"‏ عندما يهل الليل ويعم السكون تعود الأفكار المرعبة الّتي هزمناها ‏منذ وقت طويل وتهاجمنا من جديد .))


#ننو
#نودين.

❤9👍3❤‍🔥1

www.group-telegram.com/no/RwayatSudan.com/42819

1.84K viewsتنزيل صابر ♡, Mar 19, 2023 at 07:39

جيت مرهقة وزهجانة بالعادة يوم الخميس دا يوم لطيف وما فيهو شغل كتير وبعدو الويكند والناس كلها مبسوطة بس أنا حاسة بي ضيق في البيت ما في موضوع ماما بتمشي شغلها وتجي لـ شغلة البيت وياها كباية الشاي البتلمنا سوا وبعدها كل زول في حالو حاسة بي فراغ وكتير مرات بتمنى لو كان عندي أخوان يهونو علي وحدتي دي.

طلعت من الحمام لقيت تلفوني برن نفس الرقم اللي إتصل لي كتير من كم يوم ..
نفس الشخص اللي كنت بتصل عليه ما برد لقيت منو sms قال لي فيها:
"ممكن تردي يا أنهار دا أنا عامر عايزك في كلمتين بس "
إضطريت أرد:

=أيوا يا عامر في شنو ألف مكالمة ما ممكن!!
_للدرجة دي مكالماتي مضايقاك؟
=وأكتر كمان.
_مُستغرب في إسلوبك الصراحة ما إتوقعت إنك تتكلمي معاي كدا.
=وإنت متوقع إنك لما تتصل أرد زي زمان ولا شنو؟
_عايز أقعد معاك يا نونة عشان ..
=اسمي أنهار وانا ما عايزة شي يلمني بيك خالص.
_ما عشاني عشان خاطر عمرو.
=اول ما قال عمرو حسيت بضيق ما طبيعي لما إتذكرت إنو هو ود عمو.
_صح أنا كسرتك وزعلتك بس عايز فرصة أصلح الـ ..
=يعني جا حكى ليك إنتوا بتلعبوا علي ولا ..
_هو ما حكى لي أهدي وبعدين الغلط ما غلطو ..
=بغض النظر عن الحصل أنا ما عايزة شي يلمني بيك يا عامر وعمرو أنا بعرف أتصرف معاهو.
_أنا بس عايز أقول ليك أديهو فرصة عمرو ما بشبهني صدقيني ح يصلح كل شي.
=ما في شي ح يتصلح يا عامر فوق على روحك دي قلوب إتكسرت ما حاجة بتتلصق أو تتلحم.
_والله ندمان يا أنهار وزعلان أكتر عشان عمرو إتضرر مني شديد ممكن تقعدي معاهو وتحلوا مشاكلكم ما ح أرجع لحياتك ولا ح أخليك تشوفيني بس عمرو ما ليهو ذنب وهو لو ما حباك مستحيل يقرب عليك والله.
=شكرًا ليك عشان وريتني إنك ما زيو ولا عمرك حبيتني يا عامر وياريت دي تكون أخر مرة تتصل لي فيها.
_أسف.

"تم إنهاء المكالمة"

صوت عامر كفيل يخرب مزاجي ويغيير كل شي 180° ما معقولة يكون مؤذي لدرجة صوتو يضايقني ويخليني أكره نفسي وأكره اليوم العرفتو فيهو.
من سوء حظي ما عرفت من ناس الدنيا ديل كلهم غير ود عمو وصحبو عشان أحبو؟
أنا كنت بشكي لـ عمرو من وجعي وتعبي من أقرب شخص ليهو؟

بتذكر في وحدة من ونستنا قلت ليو:
عارف يا عمرو في شخص واحد ما ح أعرف أسامحو مهما حصل وقتها قال لي بحزن:
أنا برضو يا أنهار عندي شخص ما ح أعرف أسامحو ما عشان أذاني شديد بس عشان ما إتوقعتها منو عارفة إحساس تكوني متأكدة وواثقة 100% في شخص وتتحدي العالم كلو بيهو فيقوم يخذلك؟
عشان الإحساس دا تحديدًا أنا ما ح أعرف أسامحو.

وقتها أنا إفتكرت عمرو بتكلم عن بت زيما أنا كنت بتكلم عن ولد وحسيت إننا بنتشارك نفس الجرح والوجع بس عمري ما إتوقعت إننا نكون ما قادرين نسامح نفس الشخص وإنو هو أذانا بنفس الطريقة.

لو كنت عارفة إنو عمرو كان قاصد عامر بي كلمة أخوي البسمعني ليها على طول ما عارفة كان ح أتصرف كيف بس ياخ ياريتني ما عرفت عمرو من الأساس.

أنا حاليًا ما فرقي شي من عامر بقيت نسخة منو وجرحت عمرو كمان وأذيتو.
قلبي واجعني عشان كل التعب التعبتو في نفسي دا كان عشان ما أأذي نفسي بس من غير ما أشعر انا بقيت إنسانة سيئة ومؤذية.

مهما إتظاهرت بالقوة دموعي بتغلبني قعدت أبكي زي الشافعة نفسي مرة واحدة بس أعرف أتصرف صح وما أتأذى من أي حاجة أعملا .. نفسي زول يمسك بي يدي ويوريني الصح من الغلط عشان أنا تعبت ياخ.

#على_الهامش:

"‏ عندما يهل الليل ويعم السكون تعود الأفكار المرعبة الّتي هزمناها ‏منذ وقت طويل وتهاجمنا من جديد .))


#ننو
#نودين.

BY رِوايات سُودانية🪐🤎!)"