#xabar #falastin
🤝 ЎЗБЕКИСТОНГА ОЛИБ КЕЛИНГАН ФАЛАСТИНЛИК ФУҚАРОЛАРГА ДОИМИЙ ҒАМХЎРЛИК ВА ИЖТИМОИЙ КЎМАК КЎРСАТИЛАДИ

📢 🇺🇿“Ўзбекистондаги бир гуруҳ фаластинлик фуқароларга давлат ғамхўрлиги, меҳр-шафқат тамойиллари асосида кўмак бериш тизимини йўлга қўйиш чора-тадбирлари тўғрисида”ги Президент Фармони (ПФ–133-сон, 14.08.2025 й.) қабул қилинди.

✅ Фармон билан фаластинлик беморлар ва уларга ҳамроҳлик қилувчиларни Ўзбекистонда яшашга мослаштириш жараёнига кўмаклашиш бўйича Республика комиссияси таркиби тасдиқланди.

✅ Фармонга кўра, ногиронликка олиб келувчи касалликларга чалинган Ўзбекистонга олиб келинган фаластинлик фуқароларга (меҳмонларга) қонунчиликда белгиланган даволаниш муддатидан қатъи назар ногиронлик белгиланади.

💸 Меҳмонларга зарур иш стажига эга бўлмаган кекса фуқароларга бериладиган нафақа тайинланади.

💵 Шунингдек, ҳар бир меҳнат ёшидаги меҳмон учун ҳар ойда минимал истеъмол харажатлари миқдорида яшаш нафақаси жорий этилади.

🏘 Меҳмонларнинг ҳар бир оиласига яшаш манзили бўйича уй-жойнинг ижара харажатлари қоплаб берилади.

Манба: https://uza.uz/posts/749392

✅ Ўзбекистон мусулмонлари идораси Матбуот хизмати

😄 MUSLIM.UZ GA 📲 OBUNA BO'LING ✅ VA ULASHING🗣

▶️ YouTube | 📷Instagram | 🔵 Facebook