رِوايات سُودانية🪐🤎!)"

رِوايات سُودانية🪐🤎!)"

#عزيز_قلبي♥️ حلقة 10 "ويحدُثُ أن يُصفّقَ كثيرون لكَ ولكن تَبقى عيناكَ مُعلّقةً بكفيّهِ هو هو فقط!♥️" "في الماضي" "مكالمة" _عايني أنا مُستنياك من ساعة _نفطر أول _نُود..لو فطرنا هتقولي نمشي نشوف السيد كريم عشان هيغني الليلة صح !؟ _صح.. _انا كنت حاسة إني…

#عزيز_قلبي♥️

حلقة 11

"نحن ضحايا توقعاتنا المفرطة💔 .))


واحد إنتي دافعة ليهو كل تكاليفه وأي مصيبة يعملها بتتجرجري للأقسام عشان تطلعي منها...ما قصرتي معاهو ولا في شيء..وهو شايفك مجرد واحده روحها فيهُ وما ممكن أبداً تقدر بدونه...ضامن وجودك لدرجه إنو زعلك ما بيفرق معاهو...مستنية شنو من واحد بخليك تراضي نفسك بنفسك يا وِعاد...قولي مستنية شنو !!
_دنقرت راسي تحت وحاولت أمسك دموعي أنا عارفة رحيم معاه حق وسمعت الكلام دا عدة مرات نُود شاكلتني فيه بس كمان قلبي ما كان راضي يفهم!
_عمومًا يا وِعاد أنا ما كُنت حابب أقعدك هنا وأقول ليك إنو صحبي ما يستاهل بس كمان ما هان علي أشوفك بتضيعي كدا من وراه..كل العندي قلته ليك وإنتي أدرى بعد كدا وأبصم ليك بالعشرة علاقتكم دي ما ماشة قدام خطوة وخسارة تعبك فيها.
_رحيم جاي تقول كدا يداب؟
_إنتي يا وعاد اللي بتتأخري عشان تفهمي كُل حاجة.
_رفعت راسي والدموع مالية عيوني بس كلامه هزاني وكان لازم أرد بس ما كان في كلمة مناسبة هو فعلًا أنا اللي بفهم أي شي مُتأخر.

رحيم حاسب وطلع بلا ما يودعني حتى خلاني قاعدة في مكاني مصدومة براجع حساباتي مع نفسي.

من اول ما عرفت زياد وحياتي معاه عبارة عن مشاكل..أنا اللي إفتكرت هقدر أغير منه ويكون شخص كويس عشان نكمل بس هو اللي ما حابب يتنازل أو يغيير شي.
ما بعرف كيف إتغشيت بكلامه الحلو حاليًا أنا شاكة في صدق كل الذكريات اللي كانت بينا ودي أكتر حاجة سيئة حصلت لي.
على قدر ما أحاول أتذكر ليه موقف حلو يشفع ليه جواي في صوت بقول لي كل دا كان كذب يا هبلة.
أنا فعلًا هبلة وغبية شديد في واحدة زي تقدر تغيير واحد لعيب وحريف وبيدخل تلات علاقات مع بعض زي زياد؟
كل مرة قال لي البت دي زميلة، صديقة، بعرفا ساي، وأي مُسمى أطلقه طلع يا إما كان في علاقة معاها أو بيحاول فيها.
أنا ما بس إتكسرت وقلبي وجعني أنا ما خليت جواي شي لحد غيره..حاسة إني كارهة بني أدم كلهم بي سبب زياد.
قدر شنو كان سيء وقالب حياتي أنا كتير مرات ما عرفت أفرح بكل حاجة حلوة حصلت معاي بسببه..عمري ما عانيت مشاكل قدر اللي عانيتها معاه.
زياد بياخدني من أكتر لحظاتي اللي بكون فيها رايقة ومبسوطة ويحشرني في مشاكله اللي ما بتخلص.
إتذكرت لما:
إتصل علي من نص الطلعة اللي طلعتها مع صحباتي عشان نغيير جو وطلب مني ألاقي رحيم بسرعة يديني بطاقته الشخصية أوديها ليه في مكان بعيد عشان هو ما بقدر يطلع.
كم مرة لفيت معاه الصرافات شارع شارع.
ما بحسب التعب الجسدي أنا بقول كم مرة تعبت نفسيًا معاه لما أمه عملت العملية وفضل إسبوع فاصلني..لما كان عندي إمتحانات وكنت عيانة ما قادرة أقرا وما لقيت منه أي دعم.
لما أفرح وما ألاقيه عشان يشاركني فرحتي.

لحظات كتيرة أنا حاليًا ندمانة أشد الندم عليها.
تفاصيل كتيرة سيئة ما قادرة أنساها ليه.

طلعت بعد مسافة رجعت البيت لقيت نُود لسة ما جات رقدت ما عارفة كم من الزمن كنت بفكر جديًا بعد كلام رحيم دا إن مفروض أفصل زياد وأقفل أي باب بينا ..!

جات نود داخلة..
_إتلاقيتو؟
_أي.
_أحكي!
_قررت أفصله.
_المرة دي بجد صح؟
_هزيت ليها راسي..ما كترت معاي كلام دخلت غيرت ملابسا وطلعنا صلينا المغرب عشان نتغدا..

__
في مكان أخر:
_صوت عالي في الشقة..
_في شنو مالك بتكورك كدا؟
_بتتكلم معاها صح؟
_شوية وبرجع ليك"فصل الخط وخت تلفونو في جيبو"_رد ليو: مع منو؟
_ما تعمل فيها ما فاهمني!
_أنا ما فاضي لنقاشاتك دي ودفعت إيجار الشهر دا وطالع شوف ليك زول يشاركك.
_طالع بالبساطة دي بعد ما خربت بينا؟
_إنت عارف كويس إني لو عايز أخرب كان ما إستنيت الوقت دا كله.
_يا زول إنت لو عندك حاجة قولا لي أنا راجل لي راجل ما تمشي تتكلم مع بت بتخصني حركات النسوان دي..
_زياد إنتبه لكلماتك نحن لحدي الآن كويسين.
_لا كويسين لا زفت..دي ما حركات ليك يا"بدأ ينبز وصوتهم عِلا..بعد شوية زياد مد يدو على رحيم وإتضاربو.

___
عند إيناس:

عزيز أصر يطلع من البيت حوالي الساعة 2ضهر وجاا راجع

_مساء الخير.
_مساء النور.
_ليه وشك مخطوف كدا إنت كويس؟
_كويس..كويس.
عزيز كان ما طبيعي وشه مشدود زي كأنه زعلان ما حبيت أكتر ليه كلام وهو ما وقف دخل على طول.
دخلت المطبخ أعمل ليه قهوته..لما طلعت لقيته لبس لبسة غير اللي جهزتها ليه وشال تلفونه وشكله طالع.
_على وين؟
_قريب..أنا إتغديت ما تستنيني.
_بس..
_طلع طوالي وقفل الباب وراه.
_ما من عاداته يتصرف كدا أو بالأحرى رجع يتصرف زي زمان..ما كنت هزعل منه لو لبس اللبسة اللي جهزتها ليه وجا إعتذر أو كلمني طالع وين بس هو إتصرف بغرابة.

شلت تلفوني لقيت نفسي عايزة أتكلم مع أي زول مريت على جهات الإتصال كلها بس قلبي كان بقول لي نود بس وفي نفس الوقت عقلي بقول لي لا نود كفاياها وِعاد والشغل اللي سبتي على راسا.

عديت مسافة محتارة أعمل شنو رميت تلفوني في الكنبة ودخلت المطبخ طفيت النار مشيت الغرفة رجعت اللبسة مكانا وعندي شوية أشغال حاولت أشغل نفسي بيها.

👍18❤4👎1👏1

www.group-telegram.com/ru/RwayatSudan.com/41078

2.65K viewsتنزيل صابر 🖤, Jan 23, 2023 at 06:54

#عزيز_قلبي♥️

حلقة 11

"نحن ضحايا توقعاتنا المفرطة💔 .))


واحد إنتي دافعة ليهو كل تكاليفه وأي مصيبة يعملها بتتجرجري للأقسام عشان تطلعي منها...ما قصرتي معاهو ولا في شيء..وهو شايفك مجرد واحده روحها فيهُ وما ممكن أبداً تقدر بدونه...ضامن وجودك لدرجه إنو زعلك ما بيفرق معاهو...مستنية شنو من واحد بخليك تراضي نفسك بنفسك يا وِعاد...قولي مستنية شنو !!
_دنقرت راسي تحت وحاولت أمسك دموعي أنا عارفة رحيم معاه حق وسمعت الكلام دا عدة مرات نُود شاكلتني فيه بس كمان قلبي ما كان راضي يفهم!
_عمومًا يا وِعاد أنا ما كُنت حابب أقعدك هنا وأقول ليك إنو صحبي ما يستاهل بس كمان ما هان علي أشوفك بتضيعي كدا من وراه..كل العندي قلته ليك وإنتي أدرى بعد كدا وأبصم ليك بالعشرة علاقتكم دي ما ماشة قدام خطوة وخسارة تعبك فيها.
_رحيم جاي تقول كدا يداب؟
_إنتي يا وعاد اللي بتتأخري عشان تفهمي كُل حاجة.
_رفعت راسي والدموع مالية عيوني بس كلامه هزاني وكان لازم أرد بس ما كان في كلمة مناسبة هو فعلًا أنا اللي بفهم أي شي مُتأخر.

رحيم حاسب وطلع بلا ما يودعني حتى خلاني قاعدة في مكاني مصدومة براجع حساباتي مع نفسي.

من اول ما عرفت زياد وحياتي معاه عبارة عن مشاكل..أنا اللي إفتكرت هقدر أغير منه ويكون شخص كويس عشان نكمل بس هو اللي ما حابب يتنازل أو يغيير شي.
ما بعرف كيف إتغشيت بكلامه الحلو حاليًا أنا شاكة في صدق كل الذكريات اللي كانت بينا ودي أكتر حاجة سيئة حصلت لي.
على قدر ما أحاول أتذكر ليه موقف حلو يشفع ليه جواي في صوت بقول لي كل دا كان كذب يا هبلة.
أنا فعلًا هبلة وغبية شديد في واحدة زي تقدر تغيير واحد لعيب وحريف وبيدخل تلات علاقات مع بعض زي زياد؟
كل مرة قال لي البت دي زميلة، صديقة، بعرفا ساي، وأي مُسمى أطلقه طلع يا إما كان في علاقة معاها أو بيحاول فيها.
أنا ما بس إتكسرت وقلبي وجعني أنا ما خليت جواي شي لحد غيره..حاسة إني كارهة بني أدم كلهم بي سبب زياد.
قدر شنو كان سيء وقالب حياتي أنا كتير مرات ما عرفت أفرح بكل حاجة حلوة حصلت معاي بسببه..عمري ما عانيت مشاكل قدر اللي عانيتها معاه.
زياد بياخدني من أكتر لحظاتي اللي بكون فيها رايقة ومبسوطة ويحشرني في مشاكله اللي ما بتخلص.
إتذكرت لما:
إتصل علي من نص الطلعة اللي طلعتها مع صحباتي عشان نغيير جو وطلب مني ألاقي رحيم بسرعة يديني بطاقته الشخصية أوديها ليه في مكان بعيد عشان هو ما بقدر يطلع.
كم مرة لفيت معاه الصرافات شارع شارع.
ما بحسب التعب الجسدي أنا بقول كم مرة تعبت نفسيًا معاه لما أمه عملت العملية وفضل إسبوع فاصلني..لما كان عندي إمتحانات وكنت عيانة ما قادرة أقرا وما لقيت منه أي دعم.
لما أفرح وما ألاقيه عشان يشاركني فرحتي.

لحظات كتيرة أنا حاليًا ندمانة أشد الندم عليها.
تفاصيل كتيرة سيئة ما قادرة أنساها ليه.

طلعت بعد مسافة رجعت البيت لقيت نُود لسة ما جات رقدت ما عارفة كم من الزمن كنت بفكر جديًا بعد كلام رحيم دا إن مفروض أفصل زياد وأقفل أي باب بينا ..!

جات نود داخلة..
_إتلاقيتو؟
_أي.
_أحكي!
_قررت أفصله.
_المرة دي بجد صح؟
_هزيت ليها راسي..ما كترت معاي كلام دخلت غيرت ملابسا وطلعنا صلينا المغرب عشان نتغدا..

__
في مكان أخر:
_صوت عالي في الشقة..
_في شنو مالك بتكورك كدا؟
_بتتكلم معاها صح؟
_شوية وبرجع ليك"فصل الخط وخت تلفونو في جيبو"_رد ليو: مع منو؟
_ما تعمل فيها ما فاهمني!
_أنا ما فاضي لنقاشاتك دي ودفعت إيجار الشهر دا وطالع شوف ليك زول يشاركك.
_طالع بالبساطة دي بعد ما خربت بينا؟
_إنت عارف كويس إني لو عايز أخرب كان ما إستنيت الوقت دا كله.
_يا زول إنت لو عندك حاجة قولا لي أنا راجل لي راجل ما تمشي تتكلم مع بت بتخصني حركات النسوان دي..
_زياد إنتبه لكلماتك نحن لحدي الآن كويسين.
_لا كويسين لا زفت..دي ما حركات ليك يا"بدأ ينبز وصوتهم عِلا..بعد شوية زياد مد يدو على رحيم وإتضاربو.

___
عند إيناس:

عزيز أصر يطلع من البيت حوالي الساعة 2ضهر وجاا راجع

_مساء الخير.
_مساء النور.
_ليه وشك مخطوف كدا إنت كويس؟
_كويس..كويس.
عزيز كان ما طبيعي وشه مشدود زي كأنه زعلان ما حبيت أكتر ليه كلام وهو ما وقف دخل على طول.
دخلت المطبخ أعمل ليه قهوته..لما طلعت لقيته لبس لبسة غير اللي جهزتها ليه وشال تلفونه وشكله طالع.
_على وين؟
_قريب..أنا إتغديت ما تستنيني.
_بس..
_طلع طوالي وقفل الباب وراه.
_ما من عاداته يتصرف كدا أو بالأحرى رجع يتصرف زي زمان..ما كنت هزعل منه لو لبس اللبسة اللي جهزتها ليه وجا إعتذر أو كلمني طالع وين بس هو إتصرف بغرابة.

شلت تلفوني لقيت نفسي عايزة أتكلم مع أي زول مريت على جهات الإتصال كلها بس قلبي كان بقول لي نود بس وفي نفس الوقت عقلي بقول لي لا نود كفاياها وِعاد والشغل اللي سبتي على راسا.

عديت مسافة محتارة أعمل شنو رميت تلفوني في الكنبة ودخلت المطبخ طفيت النار مشيت الغرفة رجعت اللبسة مكانا وعندي شوية أشغال حاولت أشغل نفسي بيها.

BY رِوايات سُودانية🪐🤎!)"