group-telegram.com/paylway/5273
Last Update:
📖 حه‌زانه‌شێعرێ[1] و له‌نجنایێوی ئارۆیانه‌ته‌ر
📝 عادڵ محەمەدپوور
🔻 بەشوو چواری
ئوستووره‌کانه ئێرۆس به تاپۆو کناچڵێوی خنجیلانێ و ڕووته‌ڵێ وێنا کریاینه که تاجه گوڵینێوی سووره سه‌ره‌شه‌و و تیر و که‌مانێچ ده‌سشه‌وە بیه‌ن.
حەزانەو ئوستووره ڕۆمییه‌کانه، «ئاموور»ش په‌نه ماچا که کوڕوو «مارس»ی و خودٚاڵه‌و جه‌نگین و «ونووس» خودٚاڵه‌ژه‌نه‌و عه‌شقی و زه‌ریفینه.
ئه‌ده‌بیاتی فارسینه، «به‌هرام یا مه‌ریخ»، وه‌رانوه‌رەن چنی «مارس»ی و «ناهید یا زهره»، وه‌رانوه‌را چنی «ونووس»ی. به‌ڵام ئه‌ده‌بی فارسینه نامێوه ئەو ئێرۆسی نه‌بریاینه و ئینه‌یچ په‌ی باروو «نێرینه سالاری» ئه‌ده‌بیاتوو ئێرانی سه‌ده‌کاو ویه‌رده‌ینە هۆرمگێڵۆوه. خاله‌قی ئینا چا باوه‌ڕه‌نه که په‌ی ئه‌ده‌بی «ته‌نکامه»یی ئه‌شۆ جه کۆمه‌ڵگانه و جه پێوه‌ننییه‌کاشه‌نه ڕه‌وشێوە ئاسانگیر و ئازادٚیێو جه هونه‌ر و ئه‌ده‌بیاته‌نه خێزیۆ که هه‌م چه‌نی ڕه‌وشوو ئه‌خلاق ته‌وه‌ری خه‌ڵکه‌که‌ی دژبه‌ر نه‌بۆ و هه‌مته‌ر په‌ره دریۆ پی شێوازه هونه‌رییه.
جیا ئەو فه‌زای نێرینه سالاری و دۆخه‌ی کرێڵ دریای گلێرگاو ئێرانی، نموونه‌و شێعره‌ی ته‌نکامه‌یی جه «وه‌یس و ڕامین»وو فه‌خره‌دین ئه‌سعه‌د گورگانی و «خه‌سره‌و و شیرین»وو نێزامی و «گوڵ و نه‌ورۆز»وو خواجوی کرمانی و...هه‌ر پاسه دیمه‌نه ته‌غزوڵییه‌کاو شانامه‌و فێرده‌وسی و دلێمایه‌و غه‌زه‌ڵه‌کاو حافێزی و سه‌عدی و...نه مپێویۆنە.
[7]
شێعره‌ی تازێنه شێعره‌کێ «فروغ فه‌ڕۆخزادێ» سه‌رڕێزێنێ چی جۆره شێعرانە.
حەزانێوە جە «فرووغ فه‌ڕۆخزادێ»:
آب‌تنی:
«...لخت شدم تا در آن هوای دل‌انگیز
پیکر خود را به آب چشمه بشویم
وسوسه می‌ریخت بر دلم شب خاموش
تا غم دل را به گوش چشمه بگویم...»
✨✨
درێژەش هەن
🔻 سەرچەمە: کتێبوو چەکەریای حەزێ تازێ، ئەوین 1396
✨✨
https://www.group-telegram.com/sa/paylway.com
BY پەیلوای(دیدگاههای عادل محمدپور)
Share with your friend now:
group-telegram.com/paylway/5273