group-telegram.com/toshkenttumanihokimligi/28319
Last Update:
#Madaniyat_karvoni
#Toshkent_tumani
Doʻstlik va hamjihatlik ulugʻlangan yurt!
Bekobod shahri "Navro‘z" mahalla fuqarolar yigʻinida “Doʻstlik va madaniyat karvoni” koʻtarinki ruhda boʻlib oʻtdi.
Yurtboshimiz tomonidan qoʻshni davlatlar bilan doʻstona hamkorlikni mustahkamlash, xalqlar oʻrtasidagi madaniy va maʼnaviy aloqalarni kengaytirishga qaratilgan islohotlar oʻz samarasini berayotganini ayni damda Bekobod shahri "Navro‘z" mahallasining aholisi bilan qilingan suhbatlarda oʻz tasdigʻini topmoqda.
Toshkent tumani madaniyat boʻlimi xodimlari tomonidan tayyorlangan badiiy dastur ushbu mahalla fuqarolar yigʻini aholisi koʻnglida ijobiy taassurotlar qoldirdi. Shuningdek tadbirda ishtirokchilar mamlakatimizda tinchlik, hamjihatlik va taraqqiyot hukm surayotganligi uchun yurtboshimizga oʻz minnatdorchiliklarini bildirishdi.
Tadbir bir nechta yoʻnalishlarni oʻz ichiga oldi. Bulardan kam taʼminlangan oila farzandlariga sunnat toʻyi oʻtkazish, kambagʻal oilalar holidan xabar olish, iftorlik dasturxonini yozish, "Yashil makon" aksiyasi doirasida daraxt koʻchatlarini ekish va boshqalar.
