group-telegram.com/sambojxonauz/8016
Last Update:
Самарқанд вилояти божхона бошқармаси томонидан вилоят Фавқулодда вазиятлар бошқармаси ходимлари билан ҳамкорликда вилоят ҳудудида фаолият юритаётган божхона омборлари эгалари билан учрашувлар ўтказиб келинмоқда.
Ана шундай учрашувлардан бири “Самарқанд” ТИФ божхона постида бўлиб ўтди. Унда мутахассислар божхона омборлари эгаларига божхона омборларида ёнғин билан боғлиқ фавқулодда вазиятларни олдини олиш борасида амалга оширилиши лозим бўлган чора-тадбирлар тўғрисида тушунтиришлар бериб ўтишди.
Шунингдек, тадбирда божхоначилар Ўзбекистон Республикаси Президентининг 2023 йил 6 ноябрдаги ПҚ-357-сон қарорига мувофиқ, 2024 йил 1 январдан бошлаб, ёниш ва портлаш хавфи юқори бўлган кимёвий моддалар (маҳсулотлар) фақат фавқулодда вазиятларнинг (ёнғинларнинг) олдини олиш ва саноат хавфсизлиги талабларига жавоб берадиган омборларда сақланиши лозимлиги, ёниш ва портлаш хавфи юқори бўлган кимёвий моддаларни (маҳсулотларни) сақлаш юзасидан фавқулодда вазиятларнинг хулосаси мавжуд бўлмаган омборларда “Юк тушириш далолатномаси”ни расмийлаштириш ҳамда “вақтинча сақлаш” ёки “божхона омбори” режимларига божхона юк декларациялари тақдим этилиши ахборот тизимида чекланганлигини эслатишди.
BY Samarqand viloyati bojxona boshqarmasi | Rasmiy kanal
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/sambojxonauz/8016