❗️ Yoqilg‘i-energetika sohasida bozor mexanizmlarini joriy etish davrida ehtiyojmand aholi davlat tomonidan qo‘llab-quvvatlanadi🤝 Mamlakatimizda yoqilgʼi-energetika resurslari narxlarini bosqichma-bosqich bozor tamoyillariga oʼtkazish davrida aholini davlat tomonidan qoʼllab-quvvatlash maqsadida:
📅 2025-yil 1-maydan 2027-yilning 1-apreliga qadar “Ijtimoiy himoya yagona reyestri” axborot tizimi orqali bolalar nafaqasi yoki moddiy yordam oluvchi oilalar hamda “Kambag‘al oilalar reyestri”ga kiritilgan hamda mol-mulki bo‘yicha kam ta’minlangan oilalar mezonlariga to‘g‘ri keluvchi, biroq oiladagi jon boshiga daromadi minimal iste’mol xarajatlarining
1,5 barobaridan oshmaydigan oilalarga quyidagi yordam turlari joriy etildi. Bunda:
💡 elektr energiyasi iste’moli uchun – oyiga bazaviy me’yordan oshgan
(200 kVt soat) 150 kVt soatgacha qismiga kompensatsiya shaklida qoplab beriladi. Аmaldagi tartibda ushbu norma faqat
noyabr-fevral oylarida qoʼllanilgan.
🔥 tabiiy gaz iste’moli uchun – isitish mavsumida oyiga bazaviy me’yordan
(500 kub metr) 250 kub metrgacha va boshqa davrlarda oyiga bazaviy me’yordan
(100 kub) 150 kub metrgacha qismi uchun bazaviy me’yor doirasidagi hamda bazaviy me’yordan oshgan narxlar o‘rtasidagi farq kompensatsiya qilib beriladi. Аmaldagi tartibda ushbu norma faqat
noyabr-fevral oylarida qoʼllanilgan.
✅ Shuningdek, ehtiyojmand oilalarga 2025/2026 yilgi isitish mavsumi uchun joriy yilning noyabr oyida
1 million so‘mdan bir martalik moddiy yordam to‘lab beriladi.
Mazkur bir martalik moddiy yordam:
✅ Reyestrlarga kiritilgan oilalarga;
✅ Reyestrlarga kiritilmagan, biroq kambag‘allikka tushish xavfi bo‘lgan oilalarga qo‘shimcha ravishda “mahalla yettiligi” xulosasi asosida bir martalik moddiy yordam ajratiladi.
🖋 Bunda, qo‘shimcha ro‘yxatga kiritiladigan oilalar soni tegishli mahalladagi Reyestrlarga kiritilgan oilalar sonining
40 foizidan oshmasligi lozim.
👮♂️ Qo‘shimcha ro‘yxat
“Mahalla yettiligi” tomonidan shakllantiriladi.
📝 telegram 💻 instagram
📝 facebook 🐧 xcom
🎞 youtube 🎖 ihma.uz 
