group-telegram.com/sasnatzrer/13344
Last Update:
ՀԱՅՏԱՐԱՐՈՒԹՅՈՒՆ
Ազգային-Ժողովրդավարական Բևեռի խորհուրդը խորապես մտահոգված է Ֆրանսիայի Հանրապետության նախագահ Էմանուել Մակրոնի` կոլաբորանտ Նիկոլ Փաշինյանի հետ հեռախոսազրույցից հետո արված հայտարարությամբ։
Հայաստանյայց Առաքելական Սուրբ Եկեղեցու դեմ ՀՀ սահմանադրության ոտնահարմամբ Փաշինյանի հարձակումների և հալածանքների ֆոնին Ֆրանսիայի նախագահը հայտնել է իր համերաշխությունը՝ «Հայաստանի ժողովրդավարությունն ապակայունացնելու փորձերի դեմ»։
Հայ ժողովրդի ակնկալիքը բարեկամ Ֆրանսիայի Հանրապետությունից հայ ժողովրդի սրբությունները ոտնահարելուն և Հայաստանը Թուրքիայի ազդեցության գոտի տեղափոխելուն աջակցելը չէ։
Մեր եկեղեցու եպիսկոպոսների հոգևոր գործունեությունը Փաշինյանի ստի պրոպագանդայով ժողովրդավարության ապակայունացման հետ հավասարեցնելը վիրավորական և անընդունելի է։ Այսպես կոչված «ժողովրդավարությունը» վերածվել է մեկ մարդու «արդարադատության», որտեղ Փաշինյանը միաժամանակ քննիչ է, դատախազ, դատավոր և արդեն նաև կաթողիկոս նշանակող։
Մենք չենք կասկածում Ֆրանսիայի Հանրապետության և Հայաստանի Հանրապետության միջև անկեղծ բարեկամությանը և ապագա դաշնակցությանը։ Մենք ակնկալում ենք համապատասխան վերաբերմունք՝ մինչև Հայաստանը կազատվի ռուս-թուրքական կոլաբորացիոն կառավարությունից։
Ազգային - Ժողովրդավարական Բեւեռի խորհուրդ
1 հուլիսի, 2025 թ., Երևան
www.group-telegram.com/NatDemAlliance
BY ՍԱՍՆԱ ԾՌԵՐ Համահայկական Շարժում
Share with your friend now:
group-telegram.com/sasnatzrer/13344