group-telegram.com/shamsinurijodi/19014
Last Update:
#МЕНГА_КЕРАКСАН
МУАЛЛИФ ШАМСИНУР
51-қисм
.
— Нега бундай совуқ? — деди у ўзича. — Ахир менимча, у ҳам мени ёқтираётгандек эди... Нимани хато қилдим?
У ўз фикрларидан қутулолмай, деразани очиб ташқарига қаради. Кечаси сокин, ҳаво салқин, юрак эса ғалаён ичида. Гулҳаёга қўнғироқ қиламан дея телефонига қарадию, аммо фикридан қайтди.
***
Эртаси куни Ноза ишга ҳар доимгидан ҳам эрта келди. Уйқуси йўқолганди. Юраги нимагадир безовта эди. Эҳтимол, ўзи билмаган хавотир уни мудом Беҳруздан узоқлаштириб бораётгандир.
Иш столига жойлашиб, ноутбукни ёқди. Эшик очилиб, ичкарига Рустам кирди. Кўйлаги дазмолланган, юзида доимий жиддийлик.
— Ассалому алайкум.
— Ваалайкум ассалом, Рустам ака. Яхшимисиз?
— Яхши. Сизчи?
— Ҳаммаси жойида.
Рустам столга файлларни қўяркан, бир лаҳза сукут сақлади.
— Ноза, кечирасиз… Кеча сиз билан гаплашгим келганди. Беҳруз билан муносабатингизни билмайман, лекин…
Нозанинг юраги қаттиқ урди.
— Ҳа? Тинчликми?
— Сиз уни назоратсиз қолдирманг, — деди Рустам паст, аммо аниқ оҳангда. — Мен буни кўраяпман. Сиз самимий, зукко ва... ақлсиз қарорлар ортидан кетмайдиган қизсиз.
Ноза жим қолди. Бу гаплар унга етиб борди. Рустам нимага шама қилди? Юраги гурсиллаб урди. У бир лаҳза жим турдида, секин деди:
— Бу фақат менга эмас, сизга ҳам тааллуқли гап, Рустам ака. Яхши инсон ўзини исботлаш учун бошқани ёмонламайди.
Рустам бошини эгди. Бу гапдан у хафа бўлгани йўқ, аксинча, яна бир бор Нозанинг қандай инсонлигини англаб етганди.
— Ҳақсиз. Кечирасиз. Фақат... эҳтиёт бўлинг. Баъзан муҳаббат номи билан одамлар алданганини жуда кеч тушунади.
Ноза жавоб бермади. Аммо юрагида бир ғалати илиқлик пайдо бўлди. Рустамнинг гапларида жон бор эди — соф ва огоҳликка чорловчи.
Шу пайт эшик очилди. Беҳруз кулганча кириб келди.
— Саломлар, яхшилаб танишиб олдингизми? Иккингиздан яхши ҳамкор чиқади бир соҳада ўқигансиз.
Давоми бор...
https://www.group-telegram.com/sg/shamsinurijodi.com
BY ШАМСИНУР ижоди
Share with your friend now:
group-telegram.com/shamsinurijodi/19014