“Биз миллий қадриятларни асрайлик!” — Юнусободда миллий анъаналар байрами!

📍 Юнусобод тумани ҳокимлиги томонидан Ботаника боғида, халқимизнинг кўп асрлик бой маданияти, тарихий мероси ва миллий анъаналарини кенг тарғиб этишга бағишланган маданий-маърифий тадбир бўлиб ўтди.Тадбирни туман ҳокимлиги оила ва хотин-қизлар бўдими, туман Нуронийлар жамғармаси, туман маданият бўлими билан ҳамкорликда ташкил қилинди.

✨ Тадбир "Биз миллий қадриятларни асрайлик!" деган бош ғоя асосида ташкил этилди ва у юртимиздаги миллийлик, ватанпарварлик, ҳамжиҳатлик каби юксак қадриятларни ёритишга қаратилди.

🎙 Тадбирда Юнусобод тумани ҳокимининг биринчи ўринбосари А.Тўлаганов иштирок этиб, тадбирни тантанали очиб берди. У ўз нутқида миллий қадриятларимизнинг халқ маънавиятида тутган ўрни, ёш авлод тарбиясидаги аҳамияти ва уларни келажак авлодларга етказиш масалаларига алоҳида урғу берди.

🗣 “Миллий қадриятлар – бу биз ким эканлигимизни, қайдан келганимизни ва қаерга йўл олаётганимизни белгилаб берадиган маънавий пойдевор. Уларни асраб-авайлаш ва кенг тарғиб этиш ҳар биримизнинг муқаддас бурчимиздир”, – дея таъкидлади ҳоким ўринбосари.

🎉 Тадбир доирасида:

🔹 Фольклор жамоалар томонидан халқона чиқишлар (“Келин-салом”, “Алла болам”)
🔹 Миллий либослар ва ҳунармандчилик кўргазмалари
🔹 Ёшлар иштирокида ватанпарварлик чиқишлари
🔹 Миллий спорт турлари – кураш, арқон тортиш
🔹 Варраклар сайли ва соғлом овқатланиш бурчаклари ташкил этилди.

🌿 Саҳна ва бутун тадбир ҳудуди миллий орнаментлар, гуллар ва шарлар билан безатилди. Ҳар бир иштирокчи ўзига хос миллий муҳитни ҳис этиб, ўтмиш ва бугунни уйғун тарзда тассавур этди.

📷 Тадбир давомида меҳмонлар, маҳалла фаоллари, ёшлар, ҳунармандлар ва ижодий жамоалар фаол иштирок этиб, миллий ифтихор ва ҳамфикрлик муҳитини юзага келтиришди.