group-telegram.com/yaseralzeade/3505
Last Update:
((شيخ الطايفه))
فــزعت ام عباس مدري اشايفه
أضن سمعت طاح شيخ الطايفه
ــــــــــــــــــــــــــــــــــــ
حافيه وتركض ومشدوهت عَگل
ويا مصيبه الشايله هـــاگد ثــگل
خلت ام عباس بالـــــوادم تصيح
طاح ابو الحسنين طيحوها العّگل
مايله ودمعتها أكبـــــر ســــالفه
أضن سمعت طاح شيخ الطايفه
ــــــــــــــــــــــــــــــــــــ
حگها منها الحيل والضهر انخسف
سمـــــــعت ابكرارها بدره انكسف
وسمعت بدكتوره گايل ما يـعيش
جرح ابوكم عبر عالهـــــامه وسف
مدوهنه امبين عليها وخــــايفه
أضن سمعت طاح شيخ الطايفه
ــــــــــــــــــــــــــــــــــــ
تلطم ويا لطمت الشايل جــــزع
من البواچي الشافها اعليها فزع
بلا وعي ام عباس تبچي وماتهيد
الفـرح من هل بيت ياناس انتزع
اليله هــــــذا الدار حيدر عايفه
أضن سمعت طاح شيخ الطايفه
ــــــــــــــــــــــــــــــــــــ
وصــــــلت وشافته خيال الشگر
الچان بالحومه يفُر مثـــل الصگر
مدد ويا حيـــف ما بي عالجلوس
العيشه صاحت بعدك احگرها حگر
خيط عمري وكون جرحك رايفه
أضن سمعت طاح شيخ الطايفه
ــــــــــــــــــــــــــــــــــــ
شبگت ع احسين شبگات الضلع
وعينها ع الــــحره وتصب الدمع
ويمها عباس الگمر شابع زعــــــل
يناشغ وبـــــعيونه دمعه ما گطع
راسه بتراب ومــــــــدامع تالفه
أضن سمعت طاح شيخ الطايفه
ــــــــــــــــــــــــــــــــــــ
تمت بفضلهم ص
خادم الزهراء
✍️ياسر الزيادي
BY قناة الشاعر والملا ياسر الزيادي الثانيه
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/yaseralzeade/3505