group-telegram.com/parkent_tongi/22388
Last Update:
#Маданият
Аввал хабар берганимиздек, бугун Заркент ҳудудидаги Истиқлол маҳалласида "Дўстлик ва ҳамжиҳатлик улуғланган юрт" шиори остида тадбир бўлиб ўтди.
Мазкур тадбир доирасида маҳалладаги Маданият марказининг очилиш маросими бўлиб ўтди.
Очилиш маросимида Ўзбекистон халқ шоири, сенатор Маҳмуд Тоир ва Паркент туман ҳокими Сардор Исоқулов сўзга чиқиб, Президентимиз Шавкат Мирзиёев томонидан юртимизда миллатлараро тотувликни мустаҳкамлаш борасида амалга оширилаётган саъй-ҳаракатлар халқлар ўртасидаги дўстлик ва ҳамкорликни янада яхшилаётгани ҳақида тўхталиб ўтди.
Мазкур тадбирда туманимиздаги бир қатор ташкилот раҳбарлари, маданият бўлими мутасаддилари, маҳалла фидойилари иштирок этишди.
Истиқлол маҳалласида фойдаланишга топширилган маданият марказида аҳолига маданий хизмат кўрсатиш, ижодий жамоаларнинг миллий қадрият, урф-одат ва анъаналарни ўзида мужассам этган намунали дастурларини намойиш этиш мақсадида зарур шарт-шароитлар яратилди.
Ушбу марказда маҳаллар ёшларининг адабиёт ва санъатга бўлган қизиқишлари, билимларини мустаҳкамлаш мақсадида турли нашрдаги адабиётлардан иборат мўъжаз кутубхона, тўгараклар фаолияти ҳам йўлга қўйилган.
