group-telegram.com/D_Ayusheev/2844
Last Update:
Бодь мөрийн зэрэгээс
Төрж ирээд үхэж буцах
Төөрөг заяаны энэхэн завсарт
Төөрч дахиж хэзээ ч энддэггүй
Төрөлд хүрэх боломж байдаг аа
Оройгүй гэгээрлийн зам бий тул
Очир эрдэнэтэй ч зүйрлэхгүй үнэтэй
Орчлонд хосгүй хүний төрлийг
Олсон завшааныг битгий алдаа
Санаснаар олдохгүй энэ завшаанд
Сайн суртлаар замаа засаад
Зөв номыг мөрлөхгүй алдвал
Зөнөг тэнэгээс ч долоон дор оо
Авралын номыг мэдсэн хэрнээ
Алхайж залхуурч хойшоо суувал
Амин наснаас хагацахын үедээ
Амсах гаслан минь тоогүй болно оо
Халуун тамд шатах цагт
Хамаг бие шалзрах цагт
Харамсаж гаслах сэтгэлийн түймэр
Хамтдаа бас дүрэлзэн шаналаана
Олдоход бэрхтэй хүний төрлийг
Олж мэндэлсэн азтай байлаа ч
Алдаж осолдон хилэнцэд ойчиж
Аюус там руу унах нь энүүхэнд
Адын ховсонд эргүүтсэн ч юм шиг
Алийгаа алдан самуурсан ч юм шиг
Алмайрч манаран будилаад яваагаа
Алинаас хэнээс асуултай ч билээ
BY Дамба Аюшеев
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/D_Ayusheev/2844