group-telegram.com/ahmed_alziwar2/66378
Last Update:
#قصائد_مولد_الامام_الرضا_ع
#مـۄسسـﮫ_مــﻥــبـريۄن_للالـﺢــان
الناشر.احمد.الـــزوار.cc
وَ تزَين بَاب الجَنة بِـ الورود
لِـيستَقبِلَ الليلة مِيلادَ الِرضا 💛.
🌺🌺ــــــــــــــــــــــــــــــــ
مولد الامام الرضا ع
ياضامن خدمتي وثامن الساده
روحي ابمولدك عالفرحه معتاده
فجرك بزق بلحانه بلحانه
بيك البشــر ولهانه ولهانه
***
ياامير الشوگ انته وكلبي مالك كلشي بيه
مهدك يوصــوفنه منهل والنحل ملتم عليه
نبيع كل الدنيه والله وشرف حبك نشتريه
بيك ينزاح الضـلال ومحفلك واجب اجيه
طــــير السـعد غرد بسمك وناده
يا منبر الدين اوســـــوره ووتاده
انته المجد عنوانه
بيــك البشر ولهانه
°°°°°°°°°°°°°°°°°°°°°
ابمولدك كملت فرحتي ورجع بگلبي الأمل
ونشـــرح گلب الموالي وبالاناشـــيد ابتهل
الليله غمرتنه السعاده اليله كل بيت احتفل
ومايهمنه الي يضــــــدنه الزعل والما زعل
المهم نرضيك انته يالرضا بهايه
عالفطره نخـــدمك مولجل غايه
كل شيعتك فرحانه
بيك البشــــر ولهانه
°°°°°°°°°°°°°°°°°°°°°
انتمي لكوكب خدمتـك وفخر بهل أنتماء
ذابت الروح بغرامـــــك والله يانبع النقاء
بيك فرحــانه الزچيه وعلي اوكل الانبياء
ونشعر بهذا حفلنه احضــــرو كل الاولياء
نقســـــــم عالمحافل هاي ونعــــاهد
وراثه اتضل شرط من واحد الواحد
عايش تضل بدمانه
بيك البشـــــر ولهانه
°°°°°°°°°°°°°°°°°°°°°°°°°
جامع الكل المعـــالي اوارث الحق والوغار
شامخ ابعلو الرواسي اواضــح وچنك نهار
وجنتك شمس الحقيقه يالجمالك آيه صار
انته نبراس الموالي وبيـك يحلى الافتخار
نور ادروبنه ومحبــــــــوبنه الغالي
عشنه اوياك نجمه وبالسمه اتلالي
حبك صدگ علانه
بيك البشـر ولهانه
°°°°°°°°°°°°°°°°°°°°°°
گلبت تاريخ مجدك بي لگيت اجمل صفات
ملتقى الكل الفضــــائل بيك كل المعجزات
زاهد الدنيا ابكــــــبرها وكاره الهاي الحياة
كلشي زائل بس محبتك ثابته البعد الممات
ياخـــيمة سترنه الامه احبابك
نجيب اذنوبنه ونذبها يم بابك
امدللنه ماتنسانه
بيك البشر ولهانه
°°°°°°°°°°°°°°°°°°°°
✍الخادم
كامل السعيدي
ــــــــــــــــــــــــــــــــــــــــــــــــــــــــ
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.group-telegram.com/+tVfRCNCfpmJlMGRi
الكروب الثاني 👇
https://www.group-telegram.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
BY 2.مؤسسة منبريون لنشر القصائد🧿
Share with your friend now:
group-telegram.com/ahmed_alziwar2/66378