group-telegram.com/dilimdir/18066
Last Update:
✍️ سید جلیل حسینی
🎤 ایشیق سؤنمز
💢بابکین توتولماسی
اودلو آلقیشدی کـی آلقیش توتولوب آلقیشا افشین.
اوردو صـف- صـف دایانیبدیر دانیشیر بیر باشا افشین.
قالا اود ایچره یانیر نعره چکیر داغ داشا افیشین.
باشدا آغلی- قارالی مینجه خیاللار قوشا افشین.
آرزولار گؤیلرینه اوچمادا دؤنموش قوشا افشین.
بئله بیر گونده گلر هر نه دانیشسان خوشا افشین.
اودا بختین گوجودور بیر دانیشیب مین جوشا افشین.
دانیشیر بیر باشا افشین:
عجبـــا! حصری یاریبدیر چیخیب الدن گئجه بابک.
نئجه چیخمیش! نئجه بابک!؟
الی چاتسا روما بیرده دولاجاقدیر گوجه بابک.
گله‌جک‌دیر اؤجه بابک.
تاپماسا بابکی دؤنسون دئیرم بیر داشا افشین.
دانیشیر بیر باشا افشین:
بوردان اعلان ائدیرم دوتدو اوزون لشگره سالار.
بو سؤزو یایمالیــسیز کیم نه قدر، قودرتینیز وار.
بابکی کیمسه توتوب یا کی بیزی ائتسه خبر دار.
آلاجاق مین دؤنه مین درهم و دینار.
آلاجاق خلعت شهوار.
ائله تئز سؤز یایلیب هر ائوه دوشموشدو بو سس‌لر.
دوغدو اینسان‌لار آرا مینجه خیال، مینجه هوس‌لر.
قولاغین شاخلادی تئز فورصتی آختارمیش او کسلر.
اومودون قارتالینی باخ بئله گونلر چون او بسلَر.
آلا تا خلعت شهوار.
نئچه مین درهم دینار.
ائرمنی سهله چاتیبدیر بو خبر اولدو خورامان.
دئدی بیر تاریخی فورصت دی منه ال وئریب الان.
وئر‌رم ایشلره سامان.
نه دی بابک؟ ساتارام تورک‌لری من بختیمه خاطیر.
تاجیما تختیمه خاطیر!
آلارام بوللوجـا خلعت نئچه مین- مین دؤنه دینار.
ائرمنی خالقینا من اولمالییام قافیله سالار.
بابکی من توتارام خوش سؤزه بونلار اینانارلار.
یاتـسالار گئج اویانارلار.
سسله‌ییب باشدا اولان آتلی‌لارین ائتدی خبردار.
روما گئتمک ده دی بابک بئله بیر جانلی خبر وار.
اولاجاقسیز ائله هوشیار.
آتیزی هر طـرفه دؤرد نالا سیزلر چاپاجاقسیز.
بابکی تئز تاپاجاقـسیز.
نئچه‌مین ایلدی کی بو تورک‌لر سویو بو خالقا قنیم‌دیر.
ایندی فورصت ده منیـم‌دیر .
اؤزوده میندی آتین باشدا نئچه آتلیسی چاپدی.
بلکه ده بابکی تاپدی!
مین خیال اوردوسونا سینه گریردی یئنه بابک.
گئدیر آنجاق قالانین سمتـینه ایستر دؤنه بابک.
یانا مین یول قالادا راضی دی دؤنسون کوله بابک.
گئتمگه گلمیر آیاق راضی دی مین یول اؤله بابک.
باخیر آنجاق اؤنه بابک.
یئنه سن یوخسولا باخ باغلاییب ال‌لر پینه بابک.
نه بیلیم! بلکه ده ظالیم چیخاجاقدیر گونه بابک؟
یئنه ظالیم اؤزونو باغلاییب الان دینه بابک!
نه اولوبدور سنه بابک؟!
دانیشیر اؤز- اؤزونه دردلری بیر- بیر اوزه چیخدی.
آتینی سوردو گئچیب یال- یاماجی بیر دوزه چیخدی.
سهل سنباط‌لا گلیب ووردو قضا اوز-اوزه چیخدی.
دوشدو آتدان قوجاغین آچدی کی بابک سنه قوربان.
نئچه گون لطف ائله‌ییب گر اولاسان بو قولا مهمان.
قویاراق باش یولونا من کئچرم مین دؤنه جاندان.
اوجالار عرشه باشیم فخر ائدرم آی اولو ائلخان.
آی بوتون ائل‌لره خاقان.
نئچه گون دینجه‌له‌سن، عرضی قبول مندن ائدرسن.
هارا گئتسنده یئنه فیکره دالیب واختی گودرسـن.
نئچه یوز آتلی رکابینده دوروب منله گئدرسن.
بابکین قارداشی دؤندردی آتین سؤیله‌دی سردار.
سنه گیزلینجه سؤزوم وار.
بیر مثل دیر ائل آرا، "ائرمنی‌نین دوستلوغو اولماز،
دئدیگی سؤزده او قالماز!"
اینانیب بیر گئجه،لیک ائرمنی‌نین قوولونا بابک،
بیر گئجه اولدو قوناق سنباطین اؤز اوغلونا بابک.
گؤندریب افشینه سهل، آتلی چاپیب چاتدی خبرسیز.
ائله یورغوندو کی بابک اوزانیب یاتدی خبرسیز.
قالاسیز سن شاها باخ، سربازا دا ماتدی خبرسیز.
نه خبر وارسا دئدی، بابکی او ساتدی خبرسیز.
ائله کی آل گونشین سون ایشیغی باتدی خبرسیز.
افشین امر ائیله‌دی دؤرد-مین نفره، آت‌لارا مینسین.
نه دانیشسین نه ده دینسین.
دؤرد-مین آتلی یئتیشیب دوشدو خیانت اوجاغیندا.
هامی بابک سوراغیندا.
قاچدی سهل سؤیله‌دی گلدیز؟ ایتیریب ال آیاغیندا.
هانی بابک؟
دایانین،
گولدو دئدی اؤز اوتاغیندا.
نه‌بیلیم بلکه یاتیب ائل‌لرینین غم یاتاغـیندا.
ایلیشیب‌دیر او یازیق بلکه سیاست چاتاغیندا.
او یاتیب فیل قولاغیندا.
✳️ Instagram: https://www.instagram.com/p/DEiEUMNpKQ0
https://www.group-telegram.com/ua/dilimdir.com/18065
BY دیلیمیزی اؤیرنمه لییک / Dilimizi öyrənməliyik
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/dilimdir/18066