group-telegram.com/paziyletuz/45418
Last Update:
Қыйтақ жерлерден өнимли пайдаланайық
Динимизде дийқаншылық, жерди абат етиў мәселесине айрықша итибар берилген. Дийқаншылық уллы, пазыйлетли ис. Көплеген аятларда бағлар ҳәм атызлардың зүрәәти Аллаҳ тааланың рухсаты ҳәм ерки менен жетилисиўи баян етилген. Бул болса дийқан ҳәм бағманлардың мийнети Аллаҳтың қолында екенлигине ҳәм Аллаҳ таала оларға жәрдем бериўине дәрек береди.
Ҳәммемизге белгили, соңғы жыллары елимизде жасыл әлемди қорғаў ҳәм кеңейтиў ислери мәмлекет сиясаты дәрежесине көтерилди. Ҳүрметли Президентимиз Шавкат Мирзиёев басламасы менен «Жасыл мәкан» улыўма миллий жойбары шеңберинде кѳплеген жумыслар әмелге асырылды ҳәм асырылмақта.
Бәҳәр мәўсиминиӊ басланыўы менен диний тараў ўәкиллери де қолда бар имканиятлардан өнимли пайдаланған ҳалда жасаў орынлары ҳәм мешит әтирапындағы қыйтақ жерлерди егиске таярлап, ҳәр түрли мийўели ҳәм декаратив тереклер, рәӊ-бәрәӊ гүллер егиў жумысларын алып бармақта.
Ўақыт ғәниймет келиӊ әзизлер, бәршемиз бүгинги күннен үнемли пайдаланып, Қоршаған орталықтыӊ гөззаллығына, жасыл мәканға айланыўына өзлеримиздиӊ инсаныйлық үлесимизди қосайық.
Бегис Аббазов, Қарақалпақстан мусылманлары қазыяты хызметкери
Бизди социаллық тармақларда бақлап барың!
