group-telegram.com/abedalkafelhasanalkaabikasaid/43
Last Update:
انة ابكلبي جمرة
وصط عيوني عبرة
عل ماسلم خدرة
ومفجوعتلة اطفال
................
منكسر كلبي الخيامك.. صار يجرحني الهوة
العاشك اولهان كلبة .. يمتة بشوف ارتوة
ولي كل حيلة تهدم .. مالة لفراكك قوة
الاعمة دوم ايعيش ظلمة .. وعشكة سالوفة ضوة
لجلك هذا حالي
اوبس انتة اعلبالي
تبقة ابكلبي غالي
ينايم عل الارمال
................
هسة راح ابدي اسولف .. قصة مخطوطة ابالم
قصة الماعندة خنصر .. وظيف ابكلبة السهم
شاف عريانة الظماير .. السترهة انطة خيم
ابد ماهم ابجراحة .. بلعدو كلبة يهم
اشكد ابكلبة رحمة
واحد قدرة امة
السهم ابكلبة ضمة
ويدري ضيفة جتال
..................
طايح اعلل غبرة عاري .. وصط جفينة طفل
الصعبة مدري كص وريدة.. مدري البكلبة النبل
مسلبة اثيابة وخيامة .. واختة تركب عل هزل
ابصخرة مفتوحة جبهتة .. وصحبتة راحو جتل
حافر دمة صدرة
اوساواه وية ظهرة
ومردت كلبة حسرة
شوفت فرت العيال
.....................
وعدة فوك الغبرة مرمي .. ابن مذبوح واخو
احزام جانو علة ظهرة .. مامثلهم صح كفو
ينظر الحركة خيامة .. نار بلخيمة رمو
ونظره العذبت كلبة .. من خدر اختة دنو
نار بكلبة تلهب
كربو خدر زينب
اشكد كلبة تعذب
من بختة الوكت مال
......................
ينظر العدوان حاطت .. يم خيامة او عيلتة
روعو بصوط طفلة .. الطفلة هاي بنيتة
ودنو النوك الهزيلة .. وخيتة زينب نظرتة
خوية الي مابيك فزعة.. وبحزنهة نادتة
يل عل غبرة نايم
بيد المو اوادم
صار امر الفواطم
خوية بيد الانذال
الشاعر حسن الكعبي
BY عبد الكافل حسن الكعبي
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/abedalkafelhasanalkaabikasaid/43