group-telegram.com/uzpharmcontrol/2557
Create:
Last Update:
Last Update:
“Плаквенил” дори воситаси:
Қўллашга оид муҳим ўзгаришлар киритилди
Фармацевтика маҳсулотлари хавфсизлиги маркази Фармакология қўмитаси “SWIXX BIOPHARMA” МЧЖ томонидан “Плаквенил” плёнка қобиқ билан қопланган таблеткалар 200 мг №60 дори воситасининг хавфсизлиги бўйича олинган маълумотлар юзасидан қуйидагиларни маълум қилади:
Sanofi-Aventis S.A. (Испания) компанияси томонидан ишлаб чиқарилган "Плаквенил" плёнка қобиқ билан қопланган таблеткалар 200 мг №60 дори воситаси Ўзбекистон Республикасида тиббиёт амалиётида қўллаш учун давлат рўйхатидан ўтказилган. (RU № DV/X 02889/04/17 от27.04.2022 y.).
Европа дори воситалари агентлиги (EMA) “Hydroxychloroqune yearly in pregnancy and risk of birth defects” (2021) тадқиқотидан олинган натижаларда гидроксихлорохин сульфати юқори суткалик дозаларда қўлланганда ҳомила ривожланишининг жиддий туғма нуқсонлари потенциал хавфи ва бошқа янги хавфлар аниқланганини эътироф этиб, дори воситаларининг хавфсизлигини режали баҳолаш доирасида референт давлатда локал қўлланилишига доир йўриқноманинг “Фертиллик, ҳомиладорлик ва эмизиш даври” бўлимларини янгилашни (ўзгартириш киритишни) тавсия этган.
Шу муносабат билан, Sanofi-Aventis S.A. гидроксихлорохин билан даволаш натижасида аниқланган янги хавфларни қўлланилишига доир йўриқноманинг “Махсус кўрсатмалар ва қўллашдаги эҳтиёткорлик чоралари” ва “Ножўя таъсирлари” бўлимларига киритди.
Ҳурматли юртдошлар! Фармацевтика маҳсулотлари хавфсизлиги маркази дори воситаларини фақат шифокор маслаҳати билан қабул қилишингизни ва тавсия этилган дозани оширмасликни сўрайди.
Дори воситаларини қўллаш чоғида ножўя реакциялар аниқланганда Фармацевтика маҳсулотлари хавфсизлиги марказига мурожаат қилинг. Қуйидаги ҳаволада кўрсатилган хабарнома шаклини тўлдириб [email protected] электрон почтасига ёки 100002, Тошкент ш., Озод кўчаси, К. Умаров тор кўчаси, 16-уй манзилига жўнатинг.
Мурожаат учун: (71) 203-01-01 | 4144
Telegram | Facebook | Instagram | Youtube
