Ханзаман 🖋

ҠУЛ ҺУҘМАҒЫҘ ҺОМАЙҒА!
Бөгөн "AY YOLA" төркөмөнөң “Һомай” йырын бар донъя йырлай. Тик бөтә ғәләмгә башҡорт моңон, башҡорт телен яңғыратҡан, халҡыбыҙҙы данлаған милләттәштәребеҙ өсөн шатланыр, ғорурланыр урынға, беҙҙекеләр, бер-береһен уҙҙырып, йәш ҡыҙға бысраҡ яғалар. Уны нисек кенә тәнҡитләмәйҙәр. Иң ғәжәп иткәне, был “тел һағында тороусылар”, башҡорт өнө яңғырашы буйынса бәхәсте рус телендә алып баралар. Хатта видеолар төшөрәләр йырсыны фашлап. “ Я уже больше не могу молчать!” - тип ҡысҡыра күҙҙәрен аҡайтып диванда ултырған бер ҡатын. Аҡъегет, унан да уҙҙырып, “Һомай” йырына төрттөрөп, һарайҙа кәзәләргә йыр йырлай! Шуны ғына көтөп торған псевдобашҡорттарға был етә ҡалды, улар хәҙер икеләтә әүҙемләште.

Мәскәүҙә үҫкән, рус мөхитендә йәшәгән талантлы ҡыҙ, атаһының милләтен ҙурлап, уның телен өйрәнгән, башҡорттоң төп паспорты булған “Урал Батыр” эпосын бар йыһанға ишеттергәне өсөн ғәйеплеме?! Бәлки, ниндәйҙер өн асыҡ та яңғырамайҙыр, тик ниңә уның өсөн оло ғауға ҡуптарырға, йәш таланттың ҡанатын һындырырға?! Кемгә кәрәк был?! Ниңә улай туған тел өсөн янып-көйгәс, үҙегеҙ фекерегеҙҙе матур итеп, дөрөҫ итеп башҡортса яҙмайһығыҙ интернет киңлектәрендә? Күптәрегеҙҙеңбашҡортса шрифт ҡуйып алырға ла ҡулынан килмәй бит! Ҡайһы саҡ нәмә яҙғанығыҙҙы үҙегеҙ аңламай ултыраһығыҙ! Ҡайҙа һеҙҙең яҙмаларҙа үҙенсәлекле өндәребеҙҙең дөрөҫ яҙылышы? Бына һеҙ башҡорт телен мәсхәрәләйһегеҙ! Блогерҙарҙы алығыҙ! Уларҙың һис юғы берәүһе бөгөн матур итеп башҡортса аралашамы, һөйләй беләме?! Өс һүҙенең икәүһе мотлаҡ рус һүҙе бит. Бына кемдәр мыҫҡыллай башҡорт телен! Йырсыны тәнҡитләгән “тел белгестәренең” үҙ балалары, ейән-ейәнсәрҙәре саф башҡортса һөйләшәме икән?! Юҡ, әлбиттә! Ә был “тел һағында тороусыларҙы” һис борсомай, уларҙың үҙ балаларында эше юҡ! Ана бит ниндәй “енәйәтсене” таптылар. Башҡортса йырламай имеш! Һеҙҙең был ҡылығығыҙға сит милләттәр хайран ҡала. Улар аңламай был хаяһыҙлыҡты. Башҡа халыҡ булһа, үҙ йондоҙҙарын күккә сөйөр ине. Тик беҙ түгел. Оят!

Гөлнур Йәнбирҙина-Дәүләтйәрова

www.group-telegram.com/vn/bashkhanzaman.com/51

217 viewsApr 6 at 17:14

ҠУЛ ҺУҘМАҒЫҘ ҺОМАЙҒА!
Бөгөн "AY YOLA" төркөмөнөң “Һомай” йырын бар донъя йырлай. Тик бөтә ғәләмгә башҡорт моңон, башҡорт телен яңғыратҡан, халҡыбыҙҙы данлаған милләттәштәребеҙ өсөн шатланыр, ғорурланыр урынға, беҙҙекеләр, бер-береһен уҙҙырып, йәш ҡыҙға бысраҡ яғалар. Уны нисек кенә тәнҡитләмәйҙәр. Иң ғәжәп иткәне, был “тел һағында тороусылар”, башҡорт өнө яңғырашы буйынса бәхәсте рус телендә алып баралар. Хатта видеолар төшөрәләр йырсыны фашлап. “ Я уже больше не могу молчать!” - тип ҡысҡыра күҙҙәрен аҡайтып диванда ултырған бер ҡатын. Аҡъегет, унан да уҙҙырып, “Һомай” йырына төрттөрөп, һарайҙа кәзәләргә йыр йырлай! Шуны ғына көтөп торған псевдобашҡорттарға был етә ҡалды, улар хәҙер икеләтә әүҙемләште.

Мәскәүҙә үҫкән, рус мөхитендә йәшәгән талантлы ҡыҙ, атаһының милләтен ҙурлап, уның телен өйрәнгән, башҡорттоң төп паспорты булған “Урал Батыр” эпосын бар йыһанға ишеттергәне өсөн ғәйеплеме?! Бәлки, ниндәйҙер өн асыҡ та яңғырамайҙыр, тик ниңә уның өсөн оло ғауға ҡуптарырға, йәш таланттың ҡанатын һындырырға?! Кемгә кәрәк был?! Ниңә улай туған тел өсөн янып-көйгәс, үҙегеҙ фекерегеҙҙе матур итеп, дөрөҫ итеп башҡортса яҙмайһығыҙ интернет киңлектәрендә? Күптәрегеҙҙеңбашҡортса шрифт ҡуйып алырға ла ҡулынан килмәй бит! Ҡайһы саҡ нәмә яҙғанығыҙҙы үҙегеҙ аңламай ултыраһығыҙ! Ҡайҙа һеҙҙең яҙмаларҙа үҙенсәлекле өндәребеҙҙең дөрөҫ яҙылышы? Бына һеҙ башҡорт телен мәсхәрәләйһегеҙ! Блогерҙарҙы алығыҙ! Уларҙың һис юғы берәүһе бөгөн матур итеп башҡортса аралашамы, һөйләй беләме?! Өс һүҙенең икәүһе мотлаҡ рус һүҙе бит. Бына кемдәр мыҫҡыллай башҡорт телен! Йырсыны тәнҡитләгән “тел белгестәренең” үҙ балалары, ейән-ейәнсәрҙәре саф башҡортса һөйләшәме икән?! Юҡ, әлбиттә! Ә был “тел һағында тороусыларҙы” һис борсомай, уларҙың үҙ балаларында эше юҡ! Ана бит ниндәй “енәйәтсене” таптылар. Башҡортса йырламай имеш! Һеҙҙең был ҡылығығыҙға сит милләттәр хайран ҡала. Улар аңламай был хаяһыҙлыҡты. Башҡа халыҡ булһа, үҙ йондоҙҙарын күккә сөйөр ине. Тик беҙ түгел. Оят!

Гөлнур Йәнбирҙина-Дәүләтйәрова

BY Ханзаман 🖋