group-telegram.com/daryo_live/35500
Last Update:
ЎзА «Нега YouTube ишламаяпти?» деб «Ўзбектелеком»га телефон қилибди. Ҳа, «Ўзбектелеком» нима деб жавоб берганини сиз ҳам биласиз
ЎзАда бугун қизиқ бир сарлавҳа чиқди: «YouTube’ни ер ютдими?». Агентлик мухбирлари шу саволга жавоб топиш мақсадида аввалига Ахборот технологиялари ва коммуникацияларини ривожлантириш вазирлигига телефон қилишибди. Лекин «аниқ маълумот, изоҳ» олишолмабди (тўғрисини айтганда, улар ҳам билмайди — «ноябрни охиригача яхши бўлиб қолади, шекилли» деган мавҳум гапни аллақачон айтиб бўлишган).
Кейин ЎзАнинг тиниб-тинчимас мухбирлари бир йилда раҳбари уч марта ўзгарган «Ўзбектелеком»га телефон қилишибди. «YouTube’нинг ишламаслигига компания айбдор эмас, тармоқда муаммо йўқ», дебди улар. «Фойдаланувчилар энг кўп трафикни YouTube учун сарфлайди. Унинг яхши ишлаши бизга фойда келтиради. Қолаверса, компаниямиз видеохостинг ишига таъсир кўрсатиш учун расмий ҳуқуққа эга эмас», — дебди «Ўзбектелеком» вакили Бобур Абдуллаев.
ЎзАнинг «YouTube’ни ер ютдими?» сарлавҳали хабари шундай сўзлар билан тугаган: «Шу тариқа муаммонинг асл сабабига аниқ жавоб топилмаяпти. Биз бу ҳақда Ўзбекистонда YouTube видеохостинги фаолияти учун масъул ташкилотлардан жавоб кутиб қоламиз». Бахтга қарши, «Фалончиев, бўлди, сен “ЎзбекЮтубТаъминоти” корхонасига бошлиқ этиб тайинланганинг муносабати билан бу ишингдан озодсан» деган буйруқ чиқмаган-да ҳали...
https://www.group-telegram.com/joinchat-AAAAAD63OEHkQHOlfdglMg
BY Daryo — LIVE
Share with your friend now:
group-telegram.com/daryo_live/35500