#"HAVO"ни ўқиб...

Осмонда ёзилган шеърлар

❤❤❤
"Ҳавосан" дедилар, ҳаволанмадим,
Навосиз диллардан наволанмадим,
Ишқ деган бир дардга-сенга чалиндим,
Хастанг бўлгим келди, даволанмадим.

❤❤❤
Ўзингни топганда ўзни унутдим,
Баҳорга етганда кузни унутдим.
Сирлар ғорин топдим, лек сени кўргач,
Эшик очар сирли сўзни унутдим.

❤❤❤
Ўзин топган шоир шеърдан қўрқади,
Эрки йўқки аёл, эрдан қўрқади,
Осмондан қўрқади ерда юрганлар,
Осмонга етганлар ердан қўрқади.

18.02.2025 йил

@Guljamol_Asqarova