group-telegram.com/a_k_a1991/709
Last Update:
وحدچ يم ظلام
بعدچ نص الشام
نفس التاريخ اتجدد
رد باب الساعات
تذكرتي الوگفات
زينب ظلت تهدد
وين العباس وين العباس زينب ظلت تهدد
&&&
دارت بيه الايام عادت نفس الايام
وادم تسبيني تريد ويتفلش مرقدي
يردون ادخل ديوان ويتفرج ياهو الچان
يا عباس اختك زينب ظليت الوحدي
بعدهي جروحي توجعني
ما طايب يخي متني
گوم الشمر شو جتني
واحس جروحي خضره
گلت بالموت راح ارتاح
يم الحضره الف ذباح
اسمع يمي بس صياح
ابد ما تبقه حضره
انه اخت الوفاي
هيچ يصير وياي
تاليها ارجع مسبيه
جابو يمي احبال
ما مرتاح البال
يم زينب ماكو احد
&&&
ما يقبلها العباس ملتمه بابي الناس
صعبه يشوف اخته الحره وينظر هذا الجمع
اتهدد وأنه ام عون وأنه اعرف متقبلون
محتاجه چفوفك عباس وتمسحلي الدمع
اختك حيل متعوبه
هيچ يصير مكتوبه
شني ايامي محسوبه
تعال وشوف حالي
قبل بس انه بعيونك
متت عباس من دونك
گدامي ويشتمونك
يدرون انت غالي
يشتمون الكرار
وتشب بيه النار
حيدر لا ما يتشتم
بالسوط يضربون
ما ظلتلي متون
ايامي تظل تجدد
&&&
انه المشوها بسوگ وانه الركبات عالنوگ
انه الابحبال انچتفت تاليها انه انسبي
حرمه ويم ناس اجناب بنت حيدر داحي الباب
عگب العباس انوب ويحديني الأجنبي
اروحن وين ما ادري
وينه الي كفل خدري
خلص يا ابو الفضل عمري
كل العمر بالشام
احجار الشام لاگوني
ظل الكل يشتموني
الشمر ورملي متوني
ويمي بس الأيتام
محتاجتكم حيل
ما ظل بيه الحيل
وانتم اعلم بالحره
ما محتاجه الماي
ردتك خويه هواي
مسبيه وجدي انه احمد
&&&
ظل التاريخ يعيد من زينب شنهي يريد
اهل الشام يكيفون ومن زينب تنشتم
لا عباس ولا حسين تنظرهم يمته العين
مريود انه ادري الگمر ما ينفع بس نجم
خرابه وباب ما بيها
رقيه بلا تراچيها
حيره وين اخليها
وهي الشام غربه
يفرحون بمدامعنه
الزمن ما يوم يجمعنه
يبو فاضل تره ضعنه
وهاي حاله صعبه
لا جرح وجرحين
اه يا جرح حسين
شيبني وتعب حالي
لا مو مال فراگ
بس الكم اشتاگ
عدواني تظل تردد
&&&&
انه لما يمي خوان محد منهم دفان
انه اعرف ما يتأخر عباس اعله الاخت
كون بنصهم ارتاح ولا اسمع صوت صياح
بين الكافل وحسين خوتي الكلهم بخت
كون انه اندفن يمهم
گبري ويصبح بنصهم
امسيهم وصبهم
واگلهم انه زينب
انه ارتاح بالخيمه
اختكم تمشي بالهيمه
اشوفنكم ردت غيمه
علي الماي ينصب
اختك وين تبات
حاطوني الشمات
ردتك تفزعلي الليله
ها عباس انخاك
مد لختك يمناك
ركب اختك خل تصعد
&&&
علي جبار الكعبي
الفاتحه لوالدي
BY الشاعر علي جبار الكعبي
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/a_k_a1991/709