group-telegram.com/ahgeel/22270
Last Update:
*ـــــــــــــــــــــــــــــــــــــــــــــــــ*
*((, #بنت_الشامية 👩🦰💙))*
*(( #البارت_الاول))*
*ــــــــــــــــــــــــــــــــــ*
)) #ﻭﺍﺑﺘﺪﺃﺕ_ﺭﺣﻠﺘﻲ ((
ﻫﻲ ﺭﺣﻠﺔ ﺍﻟﺸﻘﺎﺀ ,, ﺭﺣﻠﺔ ﺍﻷﻟﻢ ..
ﻛﻨﺖ ﺑﺒﻴﺖ ﺷﻌﺒﻲ ﻗﺪﻳﻢ ﻭ ﻛﺎﻥ ﻓﻴﻪ ﺃﺑﻮﺍﺏ ﻛﺜﻴﺮﺓ
ﻭﻣﺎ ﻛﺎﻥ ﻓﻲ ﺍﻟﺒﻴﺖ ﺇﻻ ﺃﻧﺎ ﻭ ﺃﻣﻲ ﻟﻜﻦ ﺃﻧﺎ ﻣﺮﺑﻮﻃﺔ
ﺑﻮﺍﺣﺪ ﻣﻦ ﻋﻮﺍﻣﻴﺪ ﺍﻟﺒﻴﺖ ﻓﺠﺄﺓ ﺃﻣﻲ ﺍﺗﺠﻬﺖ ﻟﻠﺒﺎﺏ
ﻋﺸﺎﻥ ﺗﻄﻠﻊ ﻟﻜﻦ ﺃﻧﺎ ﻣﺮﺑﻮﻃﺔ ﻭﺷﻠﻮﻥ ﺗﺘﺮﻛﻨﻲ .
ﻧﺎﺩﻳﺖ ﺃﻣﻲ : ﻳﻤﺎﺍﺍﺍﺍﻩ ﻻ ﺗﺮﻭﺣﻴﻦ ﻓﻜﻴﻨﻲ ﻳﻤﻪ ﺗﻜﻔﻴﻴﻴﻦ
ﻭﺍﻟﻠﻪ ﻣﺎ ﺳﻮﻳﺖ ﺷﻲ
ﻳﻤﺎﺍﺍﺍﺍﺍﻩ ﺗﻜﻔﻴﻴﻴﻴﻦ
ﺃﻣﻲ ﺃﺗﺠﻬﺖ ﻟﻠﺒﺎﺏ ﻭ ﻃﻠﻌﺖ ﺑﺪﻭﻥ ﺣﺘﻰ ﻻ ﺗﻠﺘﻔﺖ
ﻋﻠﻲ ﻣﻊ ﺻﻔﻘﺔ ﺍﻟﺒﺎﺏ ﺯﺍﺩ ﺻﺮﺍﺧﻲ ﻭ ﺻﻴﺎﺣﻲ ،
ﻳﻤﺎﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﻩ ﺗﻌﺎﻟﻲ
ﺣﺎﻭﻟﺖ ﺃﻃﻠﻊ ﻳﺪﻳﻨﻲ ﻭﺃﺗﺤﺮﻙ ﻟﻜﻦ ﻣﺎ ﻗﺪﺭﺕ ﻋﺪﺕ ﺍﻟﻤﺤﺎﻭﻟﺔ .....
ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ ﺃﻋﻮﺫ ﺑﺎﻟﻠﻪ ﻣﻦ ﺍﻟﺸﻴﻄﺎﻥ ﺍﻟﺮﺟﻴﻢ
ﺃﻭﻭﻭﻭﻑ ﻛﻨﺖ ﻧﺎﻳﻤﺔ ﺇﻳﻪ ﺃﻛﻴﺪ ﻧﺎﻳﻤﺔ ﻫﺎﺫﻱ ﻏﺮﻓﺘﻲ ﻭﺃﻧﺎ ﺑﺴﺮﻳﺮﻱ ،
ﺗﻨﻬﺪﺕ ﺑﺄﻟﻢ ﻟﻤﺎ ﺗﺬﻛﺮﺕ ﺍﻟﺤﻠﻢ ﻣﻌﻘﻮﻟﺔ ﻳﻤﻪ
ﺯﻋــــــﻼﻧﻪ ﻋﻠﻲ ﻣﻌﻘﻮﻟﺔ ﻣﺎ ﺻﺪﻗﺘﻴﻦ .
ﺁﺁﺁﻩ ﺍﻟﻠﻪ ﻳﺮﺣﻤﺘﺲ ﻳﻤﻪ .
ﻓﺰﻳﺖ ﺑﺴﺮﻋﺔ ﻣﻦ ﻓﺮﺍﺷﻲ ﻋﺸﺎﻥ ﻣﺎ ﺃﺻﻴﺢ ﻛﺎﻓﻲ
ﺩﻣﻮﻉ ﻫﺬﺍ ﻟﻲ ﺍﺳﺒﻮﻋﻴﻦ ﻣﺎ ﺍﺳﺘﻔﺪﺕ ﺷﻲ ﻣﻦ ﻫﺎﻟﺪﻣﻮﻉ ،
ﺍﻟﺘﻔﺖ ﺃﺑﺸﻮﻑ ﻛﻢ ﺍﻟﺴﺎﻋﺔ .
ﻻﺍﺍﺍﺍﺍ ﺣﺮﺍﻡ ﻭﺍﻟﻠﻪ ﺣﺮﺍﻡ ﺃﺧﺬﺗﻪ ﺑﻴﺪﻳﻨﻲ ﻭﺗﺤﺴﺴﺘﻪ ﺑﺄﺻﺎﺑﻌﻲ
ﻭﺃﻧﺎ ﺃﺗﻤﺘﻢ ﻳـــــــــﺎﺭﺑﻲ ﺣﻠﻢ ﻳـﺎﺭﺑﻲ ﺣﻠﻢ .. ﺩﻣﻌﻪ
ﻣﻦ ﻋﻴﻨﻲ ﺻﺤﺘﻦ ، ﺩﻣﻌﻪ ﺃﻛﺪﺕ ﻟﻲ ﺃﻧﻲ ﺑﻌﻠﻢ ، ﻗﺮﺑﺘﻪ
ﻣﻦ ﺧﺸﻤﻲ ﻭﺷﻤﻴﺘﻪ ﻫﺬﻱ ﺟﺪﻳﻠﺘﻲ ﻣﻦ ﺗﺠﺮﺃ
ﻭﻗﺼﻪ ﻣﻦ ؟ !!
ﻣﺮﺭﺕ ﺇﻳﺪﻱ ﺍﻟﺜﺎﻧﻴﺔ ﻋﻠﻰ ﺷﻌﺮﻱ ﺍﻟﻠﻲ ﺻﺎﺭ
ﻣﺎ ﻳﻮﺻﻞ ﻟﻜﺘﻔﻲ ، ﻭﺗﻨﻬﺪﺕ ﺑﺄﻟﻢ
ﺁﺁﺁﺁﻩ ﻭﻳﻨﺘﺲ ﻳﻤﻪ ﺗﺸﻮﻓﻴﻦ ﻭﺵ ﺳﻮﻭ ﻋﻴﺎﻟﺘﺲ
ﺑﻲ ﻭﻳﻨﺘﺲ ﻳﺎ ﻳﻤﻪ ؟؟
ﺗﺬﻛﺮﺕ ﺃﻣﻲ ﺍﻟﻠﻪ ﻳﺮﺣﻤﻬﺎ ﺑﺄﻭﻝ ﻳﻮﻡ ﺑﺎﻟﺪﺭﺍﺳﺔ ﻟﻤﺎ ﻧﺰﻟﺖ
ﺍﻟﺼﺒﺢ ﺃﻓﻄﺮ ﺩﺧﻠﺖ ﺍﻟﺼﺎﻟﺔ ﻣﺎ ﻟﻘﻴﺖ ﺃﺣﺪ ﺳﻤﻌﺖ ﻛﺤﺔ
ﺃﺑﻮﻱ ﺍﻟﺼﻮﺕ ﺟﺎﻱ ﻣﻦ ﺍﻟﻤﻘﻠﻂ ﻭﻫﻮ ﻣﻜﺎﻥ ﺟﻠﺴﺘﻨﺎ
ﺩﺍﺋﻤﺎً ، ﺍﺗﺠﻬﺖ ﻟﻠﻤﻘﻠﻂ ﺩﺧﻠﺖ ﻭﺳﻠﻤﺖ ﻭ ﺣﺒﻴﺖ ﺭﺃﺱ ﺃﺑﻮﻱ
ﻭﺭﺃﺱ ﺃﻣﻲ ﻗﻌﺪﺕ ﻣﻌﻬﻢ ﻋﻠﻰ ﺍﻟﺴﻔﺮﺓ .
ﺃﺑﻮﻱ : ﻭﻳﻦ ﻣﻲ
ﺃﻧﺎ ﺑﺼﻮﺕ ﺃﺷﺒﻪ ﻟﻠﻬﻤﺲ ﻷﻥ ﺣﻀﻮﺭ ﺃﺑﻮﻱ
ﻳﺨﻮﻓﻦ : ﺑﺘﻐﻴﺐ ﺍﻟﻴﻮﻡ ﻣﻬﺐ ﺭﺍﻳﺤﺔ
ﺃﺑﻮﻱ : ﻭﺷﻮ ﻟﻪ ﺗﻐﻴﺐ
ﺭﻭﻧﻖ : ﻣﺎ ﻋﻨﺪﻫﻢ ﺩﺭﺍﺳﺔ ﺍﻟﻴﻮﻡ
ﺃﺑﻮﻱ ﺗﺠﻬﻢ ﻭﺟﻬﻪ ﻭﻋﻘﺪ ﺣﻮﺍﺟﺒﻪ : ﻭ ﺃﻧﺘﻲ ﻭﺵ
ﻣﺮﻭﺣﺘﺲ ﺃﻭ ﺗﻠﻌﺒﻴﻦ ﻭ ﺗﺠﻴﻴﻦ
ﺗﺪﺧﻠﺖ ﺃﻣﻲ : ﻻ ﺃﻱ ﺗﻠﻌﺐ ﻳﺎ ﺃﺑﻮ ﻣﺤﻤﺪ ﺍﻟﻠﻪ ﻳﻬﺪﻳﻚ ﺭﻭﻧﻖ
ﺑﺎﻟﺜﺎﻧﻮﻱ ﻭ ﻣﻲ ﺑﺎﻟﻜﻠﻴﺔ .
ﻧﺎﻇﺮﻧﻲ ﺃﺑﻮﻱ ﺑﻨﻈﺮﺗﻪ ﺍﻟﺨﺎﺻﺔ ﻟﻲ : ﻛﻞ ﺷﻲ ﻳﻄﻠﻊ ﻣﻦ
ﺑﻨﺖ ﺍﻟﺸﺎﻣﻴﺔ .
ﺣﺴﻴﺖ ﺑﻐﺼﺔ ﺑﺤﻠﻘﻲ ﺃﺑﻮﻱ ﻭﺭﺍﻫـ ﻳﺄﺧﺬﻥ ﺑﺬﻧﺐ
ﺃﻣﻲ ، ﺇﺫﺍ ﺃﻣﻲ ﻏﻠﻄﺖ ﻭﻃﻠﻌﺖ ﻗﻠﻴﻠﺔ ﺃﺻﻞ ﺃﻧﺎ ﻣﺎ
ﻏﻠﻄﺖ ﻭﺑﻌﺪﻳﻦ ﺃﻧﺎ ﺑﻨﺘﻪ ﻭ ﺃﻣﻲ ﻣﻮﺿﻲ ﻫﻲ ﺍﻟﻠﻲ ﺭﺑﺘﻦ .
ﺍﻧﺘﺒﻬﺖ ﻣﻦ ﺃﻓﻜﺎﺭﻱ ﻋﻠﻰ ﺻﻮﺕ ﺃﻣﻲ ﻣﻮﺿﻲ : ﻳﻤﻪ
ﻳﺎ ﺭﻭﻧﻖ ﻭﺷﻮﻟﻪ ﻓﺎﻛﻪ ﺷﻌﺮﺗﺲ ﻳﻨﻈﻠﻮﻧﺘﺲ ﺍﻟﻨﺎﺱ .
ﺃﻧﺎ : ﻭﺃﻧﺎ ﺍﻗﺮﺏ ﻟﺮﺃﺱ ﺃﻣﻲ ﻋﻠﺸﺎﻥ ﺗﺴﻤﻊ ﻫﻤﺴﻲ
ﺯﻳﻦ : ﻳﻤﻪ ﺣﺎﻃﺘﻪ ﺫﻳﻞ ﺣﺼﺎﻥ ﻭﺑﻌﺪﻳﻦ ﻛﺜﻴﺮ ﻣﻦ ﺍﻟﺒﻨﺎﺕ
ﺷﻌﻮﺭﻫﻢ ﻃﻮﻳﻠﺔ ﻣﻬﺐ ﺑﺲ ﺃﻧﺎ .
ﺃﻣﻲ : ﺃﻗﻮﻝ ﻛﺎﻧﺘﺲ ﺗﺒﻴﻦ ﺭﺿﺎﻱ ﺗﻌﺎﻟﻲ ﺃﺟﺪﻟﻪ .
ﺃﻧﺎ : ﻭﺍﻟﻠﻪ ﻣﺎ ﺃﺑﻲ ﻏﻴﺮ ﺭﺿﺎﺗﺲ ﻳﺎ ﺃﻣﻴﻤﺘﻲ
ﻭﻋﻄﻴﺘﻪ ﻇﻬﺮﻱ ﺣﺘﻰ ﺗﺠﺪﻝ ﺷﻌﺮﻱ .
ﺃﻣﻲ ( ﺃﻡ ﻣﺤﻤﺪ ) ﻭﻫﻲ ﺗﺠﺪﻝ ﺷﻌﺮﻱ : ﻳﺎ ﺑﻨﻴﺘﻲ ﺃﺣﻠﻔﺘﺲ
ﺑﺎﻟﻠﻪ ﻣﺎ ﺗﻔﻜﻴﻦ ﺷﻌﺮﺗﺲ ﻋﻨﺪ ﺍﻟﻨﺎﺱ .
ﺃﻧﺎ : ﻫﺬﺍ ﻭﺃﻧﺎ ﻧﺎﻭﻳﺔ ﺃﻗﻮﻟﺘﺲ ﺃﺑﻲ ﺃﻗﺼﻪ ﺇﺫﺍ ﻧﺠﺤﺖ .
ﺃﻡ ﻣﺤﻤﺪ ﻭﺭﻓﻌﺖ ﺻﻮﺗﻪ ﺑﻌﺼﺒﻴﺔ : ﻭﺍﻟﻠﻪ ﺛﻢ ﻭﺍﻟﻠﻪ
ﻣﺎ ﺗﻘﺼﻴﻨﻪ ﺩﺍﻣﺘﺲ ﺑﻬﺎ ﺍﻟﺒﻴﺖ ﻭﻻ ﺭﺣﺘﻲ ﺑﻴﺖ ﺭﺟﻠﺘﺲ ﺑﻬﻮﺍﺗﺲ .
ﺃﻧﺎ : ﺑﺲ ﻳﻤﻪ ﻳﺘﻌﺒﺘﺲ ﻛﻞ ﺻﺒﺢ ﻭﻛﻞ ﻳﻮﻡ ﻳﺮﻭﺡ
ﻋﻦ ﺍﻟﺒﺎﺹ ﻋﻠﺸﺎﻧﻪ .
ﺃﻡ ﻣﺤﻤﺪ : ﺍﻟﺒﺎﺹ ﻟﻮ ﺃﻧﺘﻲ ﺗﻘﻮﻣﻴﻦ ﻣﺒﺘﺴﺮﺓ ( ﻣﺒﻜﺮﻩ ) ﻣﺎ ﺭﺍﺡ
ﻭﺧﻼﺗﺲ
ﻭﺍﻟﻠﻪ ﻳﺸﻬﺪ ﻋﻠﻲ ﺃﻧﻲ ﺃﻧﺒﺴﻂ ﺇﺫﺍ ﺟﺪﻟﺘﻪ ﻟﺘﺲ .
ﺃﻧﺎ : ﺍﻟﻠﻪ ﻳﺨﻠﻴﺘﺲ ﻟﻨﺎ ﻳﻤﻪ .
ﺃﺑﻮ ﻣﺤﻤﺪ ﺑﺼﺮﺍﺥ : ﻗﻮﻣﻲ ﺃﺧﻠﺼﻲ ﻻ ﻳﺠﻲ ﺍﻟﺒﺎﺹ
ﻭﺧﻠﻲ ﻋﻨﺘﺲ ﻫﺎﻟﻮﺷﻮﺷﺔ .
ﻧﻄﻴﺖ ﻣﻦ ﻣﻜﺎﻧﻲ ﻭ ﺃﻧﺎ ﺃﻫﻤﺲ : ﺇﻥ ﺷﺎﺀ ﺍﻟﻠﻪ ﻳﺒﻪ ﻭﻗﻠﺒﻲ
ﻳﺮﻗﻊ ﻣﻦ ﺻﺮﺍﺥ ﺃﺑﻮﻱ .
------------------------------------------
ﺃﺳﻤﺎﺀ : ﻭﺷﻮ ﻫﺬﺍ ؟ !!
ﺭﻓﻌﺖ ﺭﺃﺳﻲ ﻭ ﺿﻤﻴﺖ ﺟﺪﻳﻠﺘﻲ ﺃﻛﺜﺮ
ﻭ ﺍﻧﻔﺠﺮﺕ ﺃﺻﻴﺢ ﺧﻼﺹ ﻣﺎ ﺃﻗﺪﺭ ﺃﺗﺤﻤﻞ .
ﻗﺮﺑﺖ ﺃﺳﻤﺎﺀ ﻣﻦ ﻭﺳﺤﺒﺘﻪ ﻣﻦ ﺃﻳﺪﻱ : ﻟﻴﻪ ﻗﺼﻴﺘﻴﻪ
ﻟﻴﻴﻴﻴﻴﻴﻴﻪ ؟ !!
ﺃﻧﺎ : ﻗﻤﺖ ﻭ ﻟﻘـ ـ ـﻴـ ـﺘـ ـ ـﻪ ﺑﺠﻨـ ـﺒـ ـ ـﻲ ﺇﻫﻲ ﺇﻫﻲ .
ﻗﻌﺪﺕ ﺃﺳﻤﺎﺀ ﻋﻠﻰ ﻃﺮﻑ ﺍﻟﺴﺮﻳﺮ ﺑﺠﻨﺒﻲ ﻭ ﻗﺎﻟﺖ
ﺑﻌﺪﻡ ﺗﺼﺪﻳﻖ : ﺭﻭﻧﻖ ﻣﻌﻘﻮﻟﺔ ﻫﺎﻟﻜﻼﻡ ﻳﻌﻨﻲ
ﻣﻦ ﺍﻟﻠﻲ ﻗﺼﻪ ﺟﻨﻲ ﺑﺴﻢ ﺍﻟﻠﻪ .
ﺃﻧﺎ ( ﻭﺃﻧﺎ ﺃﺻﻴﺢ ) : ﻭﺍﻟﻠﻪ ﻣﺎ ﻗﺼﻴﺘﻪ ﻭﺍﻟﻠﻪ ﺍﻟﻌﻈﻴﻢ ﻣﺎ ﻗﺼﻴﺘﻪ .
ﺃﺳﻤﺎﺀ : ﻃﻴﺐ ﻭﺷﻠﻮﻥ ﻓﻬﻤﻴﻦ .
ﺃﻧﺎ : ﻣﺎ ﺃﺩﺭﻱ ﻣﺎ ﺃﺩﺭﻱ ﺇﻫﺊ ﺇﻫﺊ .
ﻳﻮﻡ ﻗﻤﺖ ﻣﻦ ﺍﻟﻨﻮﻡ ﻟﻘﻴﺘﻪ ﺟﻨﺒﻲ ﺗﺨﻴﻠﻲ ، ﻭﺍﻟﻠﻪ
ﺣﺮﺍﻡ ﻋﻠﻴﻬﻢ ﻟﻴﺶ ﻳﻘﺼﻮﻧﻪ ﺇﻫﺊ ﺇﻫﺊ .
ﺃﺳﻤﺎﺀ : ﻣﻨﻬﻢ ﺍﻧﺘﻲ ﺗﻌﺮﻓﻴﻦ ﻣﻦ ﺍﻟﻠﻲ ﻗﺼﻪ ؟ !!
ﺃﻧﺎ : ﻣﺎ ﺃﺩﺭﻱ ﺃﻗﻮﻟﺘﺲ ﻣﺎ ﺃﺩﺭﻱ .
ﺃﻧﻔﺘﺢ ﺍﻟﺒﺎﺏ ﺑﻘﻮﺓ ﻭ ﺩﺧﻠﺖ ﺃﺧﺘﻲ ﻫﺪﻯ : ﺧﻴﺮ
ﺇﻥ ﺷﺎﺀ ﺍﻟﻠﻪ ﻭﺵ ﻋﻨﺪﻩ ﺍﻟﻬﺎﻧﻢ ﺯﻋﻼﻧﻪ .
ﺃﺳﻤﺎﺀ ﻗﺎﻣﺖ ﻭﺍﻗﻔﺔ ﻭﻫﻲ ﻣﻌﺼﺒﺔ : ﻫﺪﻯ ﺃﺳﺎﻟﺘﺲ
ﺑﺎﻟﻠﻪ ﺃﻧﺘﻲ ﺍﻟﻠﻲ ﻗﺼﻴﺘﻲ ﺷﻌﺮ ﺭﻭﻧﻖ ؟؟
ﻫﺪﻯ : ﺇﻳـــــــــﻪ ﺃﻧﺎ .
ﺃﻧﺎ ( ﺭﻭﻧﻖ ) ﻭ ﺃﻧﺎ ﺃﺻﻴﺢ : ﺣﺮﺍﻡ ﻋﻠﻴﺘﺲ ﺃﻣﻲ
ﺣﺎﻟﻔﺔ ﻋﻠﻲ ﻣﺎ ﺃﻗﺼﻪ ﻟﻴﻪ ﺗﻘﺼﻴﻨﻪ؟ !!
ﻫﺪﻯ : ﻳﻌﻨﻲ ﺗﺒﻲ ﺗﻔﻬﻤﻴﻨﻦ ﺃﻥ ﺃﻣﻲ ﺗﻬﻤﺘﺲ
ﺃﺻﻼً ﻟﻮ ﻫﻲ ﻫﺎﻣﺘﺲ ﻛﺎﻥ ﻣﺎ ﻣﻮﺗﻴﻪ ﻣﻦ
ﺍﻟﻘﻬﺮ ﻟﻜﻦ ﻣﻘﻴﻮﻟﺔ ﺑﻨﺖ ﺍﻟﺸﺎﻣﻴﺔ ﻣﺎ ﻳﺠﻲ ﻣﻦ ﻭﺭﺍﻫـ
ﺇﻻ ﺍﻟﺒﻼﻭﻱ .
ﺃﺳﻤﺎﺀ ﺑﺼﺮﺍﺥ : ﻫﺪﻯ ﺑﺲ ﻳﻜﻔﻲ .
ﺭﻭﻧﻖ : ﻭﺍﻟﻠﻪ ﺍﻟﻌﻈﻴﻢ ﺇﻧﻲ ﻣﺎ ﺳﻮﻳﺖ ﺷﻲ ﻭﺍﻟﻠﻪ ﺇﻫﺊ .
ﻫﺪﻯ : ﺧﻨﺘﻲ ﺛﻘﺔ ﺃﻫﻠﻲ ﺑﺘﺲ ﺛﻢ ﻣﻮﺗﻲ ﺃﺑﻮﻱ
ﻭ ﺑﻌﺪﻩ ﺑﻴﻮﻣﻴﻦ ﻣﻮﺗﻲ ﺃﻣﻲ ﻭ ﺧﻠﻴﺘﻲ ﺳﻴﺮﺗﻨﺎ ﻋﻠﻰ
ﻟﺴﺎﻥ ﺍﻟﻠﻲ ﻳﺴﻮﻯ ﻭﺍﻟﻠﻲ ﻣﺎ ﻳﺴﻮﻯ ﻭ ﺗﻘﻮﻟﻴﻦ
ﻣﺎ ﺳﻮﻳﺖ ﺷﻲ .
ﺣﻄﻴﺖ ﺇﻳﺪﻳﻨﻲ ﻋﻠﻰ ﺁﺫﺍﻧﻲ ﻭ ﻏﻤﻀﺖ ﻋﻴﻮﻧﻲ
ﻣﺎ ﺃﺑﻲ ﺃﺳﻤﻊ ﻫﺎﻟﻜﻼﻡ ﺣﺮﺍﻡ ﻭﺍﻟﻠﻪ ﻣﺎﺳﻮﻳﺖ ﺷﻲ ،،،
ﺑﺲ ﺧﻼﺹ ﻣﺎ ﺭﺍﺡ ﺃﻓﻬﻤﻬﻢ ﺗﻌﺒﺖ ﺧﻼﺹ ﺗﻌﺒﺖ ،،،
BY عالم القصص والروايات 📚
Share with your friend now:
group-telegram.com/ahgeel/22270