group-telegram.com/usanboyeva/10894
Last Update:
#ота
150-қисм
Агар қуда томон тўйдан аввал хабар топса, тўйни қайтаришлари мумкин.
Назокат опа шуларни ўйларкан, Райҳонни икки-уч кунга даф қилиш учун Камроннинг ўртоқларидан фойдаланиш фикрида тўхтади...
🦋
Райҳона қўлига телефонини олиб, ўзича видео олишни машқ қила бошлади. Ўзига ўзи гапириб ҳам қўйди:
- Мана азизлар, мен турмуш ўртоғим Камронбек билан кечки овқат дастурхонига ўтирдим. Камрон акам овқат танламайдилар. Э-э-э...
Райҳона сўзлари ўзига ёқмай тўхтади.
- Бошқа чиройлироқ гап айтишим керак. Биринчи видеони овқат ҳақида қилмайман-ку. Менимча, ўзимни таништиришдан бошлашим керак...
Райҳона яна телефонининг камерасини ёқди:
- Ассалому алайкум, азизлар! Мен Райҳонаман. Яъни сиз яхши билган, яхши таниган Камроннинг рафиқаси... “Камроннинг” десам тўғри бўлармикан?
Райҳона энди хаёлида чиройли гаплар туза бошлаган эди. Эшик жиринглаб қолди.
- Ўзи Камрон акамнинг кириб келишидан видеога олишим керак, - деди ўзига ўзи ва камерасини ёқиб, қизил тугмани босганча эшикнинг “туйнукча”сидан қаради. Эшик олдида чиндан Камрон турарди.
- Ассалому алайкум, азизлар! Шу десангиз, жуфти ҳалолим ишдан қайтди, қани биргалика кутиб оламиз... - Райҳона шундай дея эшикни очди. – Ассалому алайкум, Камрон ака... Яхши келдингизми?
- Ва алайкум ассалом, - бироз хижолат бўлиб гапирди Камрон. – Нега видеога оляпсан. Ҳалиги... меҳмон бор, Райҳона.
Шу пайт эшик орқасида турган Лайло кўриниш берди. Райҳона унга қараб ўзини бироз йўқотди. Албатта, Лайло ҳам бироз довдиради.
- Лайло, - уни таништирди Камрон. – Лайло, бу Райҳона.
- Хурсандман, - биринчи бўлиб ўзини қўлга олди Лайло. – Яхшимисиз, Райҳона. Меҳмон керакми?
- Ҳа, ҳа, - деди Райҳона шошиб.- Киринг...
- Раҳмат, ўзи уйингизга кириш ва сиз билан танишиш учун келдим.
- Келинг, келинг, - ҳайрон бўлиб Камронга қаради Райҳона.
- Албатта... – Райҳона ҳам энди ўзига кела бошлаганди. – Киринг. Камрон ака, меҳмон борлигини айтмабсиз-да. Тузукроқ овқат қилиб турардим.
- Овқатлангани келмадик, - деди Лайло. – Ўзи ресторан рекламасидан кейин ўтириб, тўйгунимизга овқатланиб чиқамиз-ку.
Улар биргалашиб тўғри меҳмонхона томон юришди.
- Сиз билан яқиндан танишиш, дардларимизни бўлишиш учун келдик, - деди Лайло ўтираркан.
Ҳеч нарсани тушунмаган Райҳона унга савол назари билан қаради.
Давоми бор
@usanboyeva
BY Nargiza USANBOYEVA
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/usanboyeva/10894