group-telegram.com/whouzbekistan/362
Create:
Last Update:
Last Update:
Ёз ойларида ҳаво ҳароратининг кескин кўтарилиши инсон саломатлиги учун жиддий хавф туғдириши мумкин. Айниқса, сурункали касалликларга чалинган фуқаролар, ёши катталар, болалар ва жисмоний меҳнат билан шуғулланувчилар бу даврда алоҳида эътиборни талаб этади.
Жаҳон соғлиқни сақлаш ташкилоти (ЖССТ) ҳароратнинг юқори бўлиши билан боғлиқ салбий оқибатларнинг олдини олиш мақсадида қуйидаги асосий профилактик чораларни амалга оширишни тавсия этади:
🔹 Жуда иссиқ об-ҳаво шароитида очиқ ҳавода узоқ вақт қолмасликка ҳаракат қилинг;
🔹 Тана ҳароратининг кескин кўтарилишига йўл қўймаслик учун жисмоний зўриқишларни имкони борича камайтиринг;
🔹 Сувсизланиш организим учун катта хавф туғдиради — шунинг учун кўпроқ суюқлик, айниқса оддий ичимлик суви истеъмол қилинг;
🔹 Ҳавони яхши ўтказадиган, енгил ва оч рангдаги кийимларни танланг, тунлари эса ҳаво айланиши яхши бўлган хоналарда енгил чойшабда ухлашга ҳаракат қилинг;
🔹 Салқин сув билан душ қабул қилиш организим ҳароратини меъёрлаштиришга ёрдам беради;
🔹 Кун давомида, имконият бўлса, ҳеч бўлмаганда 2-3 соатни салқин хонада ёки шамоллатиладиган жойда ўтказинг;
🔹 Уйдаги ҳароратни пасайтириш учун кечаси дерозаларни очиш, кундуз эса пардаларни ёпиб туриш, кераксиз электрон қурилмаларни вақтинча ўчириш тавсия этилади;
🔹 Агар бош айланиши, ҳолсизлик, иштаханинг йўқолиши, кучли чанқоқ ёки бош оғриғи каби аломатларни ҳис қилсангиз, дарҳол салқин жойга ўтинг;
🔹 Иссиқ кунларда, айниқса ёши катта инсонлар, ногиронлиги бўлган шахслар, ёлғиз яшовчилар ҳамда болаларнинг ҳолидан хабардор бўлиб туриш — жамиятдаги ҳар биримизнинг инсоний бурчимиздир.
Юқорида баён этилган тавсияларни ҳаётга татбиқ этиш орқали нафақат ўзингизни, балки оилангиз, қўшниларингиз ва кенг жамоатчиликнинг саломатлигини ҳимоя қилишга ҳисса қўшган бўласиз.
Web-sayt|Instagram|Facebook |YouTube|Telegram|X